මධ්‍යම පළාත් සෞඛ්‍ය හා දේශීය වෛද්‍ය අමාත්‍යංශය විසින් සංවිධාන කෙරෙන අන්තර්ජාතික ආයුර්වේද අධ්‍යාපන හා වාණිජ ප‍්‍රදර්ශනයට මහනුවරදී ඊයේ සහභාගි වෙමින් අමාත්‍යවරයා මෙම අදහස් පළ කළේය.
"ලංකාවේ ජනගහණය ලක්ෂ 210 යි.... දුරකථන තියනවා ලක්ෂ 220 ක්.... ජනගහණයට වැඩිය තියනවා දුරකථන... මේ නෝනා මහත්වරුන්ගෙන් ඇහුවොත් බෑග් වල තියනවා ටෙලිෆෝන්... කන්තෝරුවලත් පැය භාගයක් වෙන් කරන්න ඔනි ටෙලිෆෝන් එකෙන් කතා කරන්න වෙන වෙන වල් පල්..... ආණ්ඩුවේ පඩිය අරගෙන පැයක් පැය භාගයක් කතා කරනවා ටෙලිෆෝන් එකෙන්... "
තාක්ෂණයේ දියුණුවත් සමග ජනතාවගේ ජීවන රටාවන් ද වෙනස් වී ඇතැයි මෙහිදී ප‍්‍රකාශ කල ඇමතිවරයා, කොළඹ හතට සීමා වී තිබූ රූපලාවණ්‍යාගාර මේ වන විට රට පුරා ව්‍යාප්ත වී ඇති බවද කියා සිටියේ ය.
මෙමගින් නව ව්‍යාපාර අවස්ථා ද නිර්මාණය වී ඇතැයි අමාත්‍යවරයා පෙන්වා දුන්නේය.
