මෙම මුලික අයිතිවාසිකම් පෙත්සම ශ්‍රී ලංකා වාණිජ මණ්ඩලයේ හිටපු සභාපතිවරයෙකු මෙන්ම සමාජ ක්‍රියාකාරිකයෙකු වන නීතිඥ චන්ද්‍රා ජයරත්න, ආචාර්ය ජී. උස්වත්ත ආරච්චි, ඒ.සී. විශ්වලිංගම් ඇතුළු පිරිසක් විසින් ගොනු කරන ලද්දකි.
පෙත්සම මගින් මෙම වංචාව විමර්ශනය කිරීම සඳහා සුදුකම් සහිත සහ ස්වාධීන කමිටුවක් පත්කරන ලෙස සහ ඉදිරියේදී මෙවැනි වංචාවක් සිදු නොවන පරිදි අලුත් ක්‍රමවේදයක් සහ නීති රීති මාලාවක් ඇතිකිරීමට පියවර ගන්න ලෙස මහා බැංකුවට නියෝග කරන ලෙස ඉල්ලා තිබේ.
වසර තිහක් සඳහා වන රුපියල් බිලියන දහයක බැඳුම්කර නිකුත් කිරීමේදී වැඩි පොළියකට තම ඥාතියෙකුගේ සමාගමකට බැදුම්කර ලබාදී බරපතල වංචාවක් සිදු කළ බවට අර්ජුන් මහේන්ද්‍රන්ට චෝදනා එල්ල විය. පසුව එම චෝදනාව විමර්ෂණය සඳහා අගමැතිවරයා ත්‍රිපුද්ගල කමිටුවක් පත්කළ අතර ඉන් මහ බැංකු බැඳුම්කර සිද්ධියට අදාළව බැංකු අධිපති අර්ජුන මහේන්ද්‍රන් ඍජු දායකත්වයක් දක්වා නොමැති බව තීරණය කොට තිබුණි.
