ගැටලුවට විසදුම් ඉල්ලා බස් රථ සේවකයින් 06 දෙනෙකු මේ වන විට තංගල්ල නගරයේ බස් නැවතුම්පළේ වහලය මත නැඟ විරෝධතාවයේ නිරත වන බව වාර්තා වේ.
හම්බන්තොට, කතරගම, ඇඹිලිපිටිය, වලස්මුල්ල, මිද්දෙණිය, වීරකැටිය යන ප්‍රදේශවල සිට කොළඹ බලා ධාවනය කරන සාමාන්‍ය සේවා බස් රථ ඊයේ මධ්‍යම රාත්‍රීයේ සිට මෙම වර්ජනය ආරම්භ කර තිබුණි.
ඊට සහය පළ කරමින් අද පෙරවරුවේ තංගල්ල නගරයෙන් ධාවනය වන සියලූම පෞද්ගලික බස් රථද ධාවන කටයුතු වලින් ඉවත්ව තිබේ.
වර්ජනයේ නිරත බස් රථ සේවකයන් පවසන්නේ බලපත්‍ර නොමැතිව අධිවේගී මාර්ගයේ ධාවනයට එක්කර ඇති අදාළ බස් රථ තම ප්‍රදේශවලින් ගමන්ආරම්භ කිරීම හේතුවෙන් තමන්ට අසාධාරණයක් සිදුවන බවයි.
