ඉදිරි මැතිවරණයේදී එක්සත් ජනතා නිදහස් සන්ධානය කටයුතු කරන ආකාරය පිළිබඳව ජනාධිපති මෛත්‍රීපාල සිරිසේන සහ හිටපු ජනාධිපති මහින්ද රාජපක්ෂ යන මහත්වරුන් ඇතුළු අදාළ පක්ෂ නායකයන් 14 දෙනා එකතුව සාකච්ඡාවක් පැවැත්වූ බවද ඔහු පවසා සිටියේය.
මීට අමතරව අද (28) දිනයේදීද එම කණ්ඩායම එකතු වී සාකච්ඡාවක් පැවැත්වෙන බවත්, එහිදී ඉදිරි මැතිවරණයේදී බිම් මට්ටමේ සිට සිදුකළ යුතු මැතිවරණ ප්‍රචාරණ කටයුතු ඇතුළු මැතිවරණයට වැදගත් වන කරුණු ගණනාවක් පිළිබඳවද සාකච්ඡා පවත්වන බවත් ඔහු සඳහන් කරයි.
ඊයේ (27) පැවැති මාධ්‍ය සාකච්ඡාවකදී මේ බව සඳහන් කළ මහලේකම්වරයා වැඩිදුරටත් සඳහන් කළේ, ඉදිරි මැතිවරණයේදී එක්සත් ජනතා නිදහස් සන්ධානය යටතේ තරග කිරීමේදී පක්ෂවලට ලැබිය යුතු අපේක්ෂක සංඛ්‍යාව කොතරම්ද යන්න වාර්තාවක් ලබාදෙන ලෙසට පක්ෂ නායකයන්ට උපදෙස් ලබාදුන් බවයි.
මීට අමතරව එක්සත් ජනතා නිදහස් සන්ධානය මැතිවරණයේදී ඉදිරිපත් කිරීමට කටයුතු කරන ප්‍රතිපත්ති ප්‍රකාශනයද මේ දිනවල සකස් කරමින් තිබෙන බව හෙතෙම තවදුරටත් පවසා සිටියේය.
අද
