මේ අතරින් මූලිකත්වය ලබාදෙන්නේ කුමන කරුණකටද යන්න සම්බන්ධයෙන් ශ්රී ලංකා නිදහස් පක්ෂ පාර්ලිමේන්තු මන්ත්රී කණ්ඩායමෙන් විමසීමට ජනාධිපති මෛත‍්‍රිපාල සිරිසේන මහතා තීරණය කර ඇති අතර, එහිදී මන්ත්රී කණ්ඩායමේ බහුතරය ගන්නා තීරණය අවසාන තීරණය වනු ඇතැයි ශ්රී ලනිප ඉහළ පෙළේ ආරංචි මාර්ග ස`දහන් කරයි.
පාර්ලිමේන්තු මන්ත්රී කණ්ඩායම විසිවැනි ව්‍යවස්ථා සංශෝධනයට මූලිකත්වය ලබාදීමට තීරණය කළහොත් එක්සත් ජාතික පක්ෂයටද ඊට සහාය දීමට සිදු වන බව පෙන්වා දෙන අදාළ ආරංචි මාර්ග, වැඩිදුරටත් සදහන් කරන්නේ ජනාධිපතිවරයාද විසිවැනි ව්‍යවස්ථා සංශෝධන කෙටුම්පත කඩිනමින් පාර්ලිමේන්තුවට ඉදිරිපත් කිරීමට දැඩි වෙහෙසක් ගන්නා බවයි.
කෙසේ වෙතත් ශ්රී ලනිප පාර්ලිමේන්තු මන්ත්රී කණ්ඩායමේ බහුතරය අගමැති රනිල් වික‍්‍රමසිංහ මහතාට එරෙහි විශ්වාසභංග යෝජනාවට ප‍්‍රමුඛත්වය ලබාදිය යුතු බවට තීරණය කළහොත්, විසිවැනි ව්‍යවස්ථා සංශෝධන කෙටුම්පත සම්මත කරගැනීම ප‍්‍රමාද වන බවත්, එවිට ආණ්ඩුව ජනතාවට පොරොන්දු වූ ආකාරයට මැතිවරණ ක‍්‍රමය සංශෝධනය කිරීම සැලකිය යුතු කාලයකින් කල් යනු ඇති බවත් සදහන් කරන දේශපාලන විශ්ලේෂකයන්, වැඩිදුරටත් අවධාරණය කරන්නේ එවැනි තීන්දුවක් ආණ්ඩුවේ අනාගතයට අයහපත් ලෙස බලපානු ඇති බවයි.
