ඊයේ(29) පැවති මාධ්‍ය හමුවක් අමතමින් ඔහු ප්‍රකාශ කරේ අත්හදාබැලීමක් ලෙස එළඹෙන මැතිවරණයේදී බ්‍රේල් ක්‍රමය යටතේ දෘශ්‍යාබාධිතයින් සඳහා ඡන්දය ප්‍රකාශ කිරීමේ අවස්ථාව ලබා දීමට අපේක්ෂා කරන බවයි .

මැතිවරණ කොමසාරිස්වරයා පවසන්නේ එමඟින් දෘශ්‍යාබාධිත ඡන්ද දායකයින්ට තව කෙනෙකුගේ ආධාරයකින් තොරව ස්වාධීන ලෙස ඡන්දය ප්‍රකාශ කිරීමේ හැකියාව ලැබෙන බවයි.

මීට අමතරව සෙසු විශේෂ අවශ්‍යතා සහිත පුද්ගලයින්ටද ඡන්දය ප්‍රකාශ කිරීමේ නව ක්‍රමයක් හඳුන්වාදීමට අපේක්ෂා කරන බව කොමසාරිස්වරයා පවසයි.