රජය විශ්වවිද්‍යාල ශිෂ්‍යයින් මර්දනය කිරීම සදහා දියත් කර ඇති වැඩපිළිවෙලේ කොටසක් ලෙස ඊයේ(29) දින කැළණිය විශ්වවිද්‍යාලයේ මහා ශිෂ්‍ය සංගමයේ හිටපු ලේකම් වෙලගෙදර සුමනජෝති හිමියන් අත්අඩංගුවට ගෙන රක්ෂිත බන්ධනාගාර ගත කර ඇත.මේ වනවිට මෙසේ අත්අඩංගුවට ගත් සංඛ්‍යාව පහක් දක්වා ඉහළ නැග ඇති බවත් සදහන් කර සිටී.
මෙසේ ශිෂ්‍යක්‍රියාකාරීන් අත්අඩංගුවට ගැනීමේ හා ඔවුන්ට නඩුපැවරීමේ ක්‍රියාවලිය ඉදිරියට ගෙන යන අතර පොළිස් නිලධාරීන් ලවා ශිෂ්‍යයින්ගේ දෙමාපියන් බියවද්දන බවද සදහන් කර ඇත.
යහපාලන ආණ්ඩුව පොළීසිය සහ නීතිය යොද‍ා ගෙන ශිෂ්‍ය අරගල පමණක් නොව ජනතා උද්ඝෝෂණ පවා මර්දනය කිරීම බලා සිටිය යුතු තත්වයක් නොවන බවද දක්වා ඇත.
රාජපක්ෂ පාලනය යටතේ සිදුවූ මහජනයාගේ ප්‍රජාතාන්ත්‍රීය අයිතීන් කප්පාදුව වෙත එල්ලවූ ජනතා විරෝධය දඩමීමා කර ගෙන බලයට පැමිණි වත්මන් ආණ්ඩුව ජනතාවගේ ප්‍රජාතාන්ත්‍රීය අයිතීන්ට පහර ගැසීම දිගටම කර ගෙන යාම බලවත් සමාජ විරෝධයක් ඇති විය යුතු තත්වයක් බව ප්‍රකාශ කර ඇත.
එම මාධ්‍ය නිවේදනය පහතින් කියවන්න
