එයින් මෙරට මුස්ලිම් ප්‍රජාව නියෝජනය කරන මන්ත්‍රීවරු සංඛ්‍යාව හරි අඩකින් පමණ පහත වැටෙන බව නිවේදනය මගින් දන්වා සිටී.
මෙම නිවේදනයට අත්සන් තබා ඇත්තේ සමස්ත ලංකා මුස්ලිම් තරුණ සංගම් පෙරමුණ, ජාතික ශූරා කවුන්සිලය, ශ්‍රී ලංකා මුස්ලිම් කවුන්සිලය සහ මහනුවර සංසදය යන මුස්ලිම් සිවිල් සමාජ සංවිධානයන්ය.
නව මැතිවරණ ක්‍රමය මගින් සිංහල ජනයාට නිසි නියෝජනය ලැබිය යුතු බව සත්‍යය වූවත් දෙමළ, මුස්ලිම්, මැලේ සහ බර්ගර් යන සංඛ්‍යාත්මක සුලුතර ප්‍රජාවන්ට ද එවැනිම සාධාරණ නියෝජනයක් ලබා දිය යුතු බව අවධාරනය කරයි.
යෝජිත 20වන සංශෝධනය යටතෙහි මුස්ලිම් ප්‍රජාව අද භුක්ති විඳින නියෝජනය එලෙසම පත්වාගෙන යාම සඳහා යෝජනා ගණනාවක් ඉදිරිපත් මෙම සංවිධාන විසින් ඉදිරිපත් කරනු ලැබ තිබේ. ඒ අතර බහු ආසන 9ක් ඇති කරන ලෙස යෝජනාවක් ද වේ. එමෙන්ම මැතිවරණ ආසන යළි බෙදා වෙන්කිරීම සඳහා පත් කැරෙන කමිටුවට දෙමළ සහ මුස්ලිම් නියෝජනයන් ද අනිවාර්ය විය යුතු යැයි දක්වා ඇත.
කිසිසේත්ම තමන්ගේ වූ නියෝජනයක් ලබා ගත නොහැකි බර්ගර් සහ මැලේ ප්‍රජාවන් වෙනුවෙන් ද අවම නියෝජනයක් සහතික කළ යුතු යැයි ද එම නිවේදනය සඳහන් කිරීම විශේෂිත වූවකි.
මුස්ලිම් සිවිල් සංවිධාන හතරේ ඒකාබද්ධ නිවේදනයේ ඉංගිරිසි පිටපත පහතින් දැක්වේ
