මෙයට හේතු වී ඇත්තේ රනිල් වික්‍රමසිංහ මහතා රාජපක්ෂවරුන්ට එරෙහි දූෂණ චෝදනා සම්බන්ධයෙන් සෘජුව ක්‍රියාත්මක වීම මඟ හැරීම නිසා බවද ඔහු වැඩිදුරටත් පැවැසීය. රාජපක්ෂ පවුලේ හා එහි හිතවතුන්ට එරෙහිව දැඩි දඬුවම් පැමිණිවිය හැකි තරම් සාක්ෂි සහිත චෝදනා තිබියදීත් ආණ්ඩුව බරපතල නොවන කරුණු අලලා නීතිය ක්‍රියාත්මක කෙරෙන බව මතු පිටින් පෙන්වූවද එජාපයේ සැලසුම වී ඇත්තේ මහින්ද ලවා ශ්‍රීලනීපය දෙකඩ කර එළඹෙන මහ මැතිවරණයේදී වැඩි බලයක් සහිත ආණ්ඩුවක් පිහි‍ටුවා ගැනීමය. ඒ අනුව මහින්ද රාජපක්ෂ ගේ ජාතිවාදී ව්‍යාපෘතිය ශක්තිමත් කෙරෙන ව්‍යාපෘති සඳහා එජාපය අනියමින් සහය වෙමින් තිබේ.
මේ හේතුවෙන් ජයග්‍රාහි මානසිකත්වයක සිටින එජාපයට වැඩි ජයග්‍රහණයක් අත්පත් කර ගත හැකි මේ කාලය තුල ඊට ඉඩක් ලබා නොදී ශ්‍රී ලනීපය ශක්තිමත් කිරීම සඳහා සිරිසේන මහතා වෙහෙසෙමින් තිබේ. පාර්ලිමේන්තුව විසිරුවා නොහැර ශ්‍රී ලනිපයෙ මන්ත්‍රීවරු රාජපක්ෂගේ ග්‍රහණයෙන් මුදවා ශ්‍රිලනිපය ශක්තිමත් කොට මැතිවරණයකට ගොස් වැඩි බලයක් දින ගැනීම ඔහුගේ අරමුණ වී තිබේ.
කෙසේ නමුත් දූෂිත රාජපක්ෂ පවුලට කිසිදු සමාවක් නොදිමට ජනාධිපතිවරයා දැඩි තීරණයක සිටී.
