20 වන ව්‍යවස්ථා සංශෝධනය අදත් හෙටත් පාර්ලිමේන්තුවේදී විවාදයට ගැනීමට පක්ෂ නායක රැස්වීමේදී තීන්දු කළ විට නිමල් සිරිපාලද සිල්වා විසින් එය බරපතල ලෙස දෝෂ දර්ශනයට ලක් කරමින් මාධ්‍ය හමුවලදී අදහස් දැක්වූ බව පී. හැරිසන් මහතා පැවසූවේය.
පක්ෂ නායක රැස්වීමේදී බහුතරයක් දෙනා 20 විවාදයට ගැනීමට කැමතිවූවත් නිමල් සිරිපාල මහතා උත්සාහ ගත්තේ මෙය නැවැත්වීමට බවත් ඔහුගේ එම ක‍්‍රියාකළාපය තුළින් පැහැදිලි වන්නේ 20 සම්මත වේ යැයි ඔහු බියෙන් පසුවන බවයි යනුවෙන් අමාත්‍යවරයා පවසයි.
19 සම්මත කරන අවසාන අවස්ථාවේ පවා එයට අනවශ්‍ය සංශෝධන ගෙනවිත් බාධා ඇති කළ බවත් දැන් 20 වන සංශෝධනයට අවහිර කරන බවත් පැවසුවේය.
20ට විරුද්ධ වන සියල්ලන්ම දේරා්හීන් බව පසුගිය දිනක ජනාධිපති මෛත‍්‍රීපාල සිරිසේන මහතා විසින් පැවසූ බවත් ශ‍්‍රීලනිප පක්ෂය තුළ වෙනම කණ්ඩායමක් ලෙස සැදී යහපත් දේට විරුද්ධවන දේරා්හීන් කණ්ඩායමක් සිටින බවත් ඔවුන් එක් කකුලක් මහින්ද ළග තියාගෙන අනිත් කකුල මෛත්රී ළග තබා ගෙන සිටින බවත් පැවසුවේය.
මහින්ද යුගයේ කළ කොන්ත‍්‍රාත් වැඩ දැන්වත් නවත්වන ලෙස හැරිසන් අමාත්‍යවරයා ඉල්ලා සිටියේය.
අපි කැමතියි 20 ට නිමල් බයයි 20ට ආසයි බයයි තියාගෙන මේ දෙය කළ නොහැකියි. බහුතරයක් දෙනා 20 ට කැමති බවත් කිහිප දෙනෙකුගේ පෞද්ගලික න්‍යාය පත‍්‍ර වලට හසුවී 20 වැළැක්වීමට ඉඩ නොතබන ලෙස කීවේය.එජාපය 20 ට අත්දෙකම උස්සා ඡන්දය දීමට සූදානම් බවත් නිමල් සිරිපාල වැන්නන් 20 ට අකුල් හෙළන බවත් හෙතෙම වැඩිදුරටත් පැවසුවේය.
