දීප්ති කුමාර ගුණරත්න ප්‍රධාන කර්තෘත්වයෙන් නිකුත්වන `සත්හඬ` පුවත්පතේ නියෝජ්‍ය කර්තෘවරයා ලෙස ප්‍රභාත් වීරරත්න, ප්‍රවෘත්ති කර්තෘවරයා ලෙස සුභාෂ් ජයවර්ධන, විශේෂාංග කර්තෘවරයා ලෙස විමල් කැටිපෙආරච්චි කටයුතු කරන අතර ජයසිරි අලවත්ත, ශාලික විමලසේන, දයා නෙත්තසිංහ, සංජය ලියනගේ, ප්‍රදීපා වීරසේකර,අජිත් සෙනෙවිරත්න, කසුන් සමරතුංග, වින්ධ්‍යා ගම්ලත් ආදී මාධ්‍යවේදී පිරිසක් කර්තෘ මාණ්ඩලිකයන් ලෙස සේවය කරන බව වැඩි දුරටත් වාර්තා වෙයි.
එමෙන්ම 'මව්බිම' පුවත්පතෙහි සේවයෙන් ඉවත්වූ සංජක ප්‍රසාද් දෝලේවත්ත ඇතුළු 'යං' කණ්ඩායමේ දායකත්වයෙන් නව ආකාරයක ටැබ්ලොයිඩ් ප්‍රමාණයේ අතිරේකයක්ද ශාන්ත බණ්ඩාර ජයවර්ධන සංක්කරණය කරන කලා අතිරේකයක් ද සත්හඬ සමඟ නිකුත් වීමට නියමිතය.
ස්වකීය අලුත්ම නවකතාව වන `කොළඹ කතාව`, `සත්හඬ` පුවත්පතට රචනා කරන උපුල් ශාන්ත සන්නස්ගල මෙන්ම කේ.කේ. සමන් කුමාර, ප්‍රියන්ත ලියනගේ, චින්තන ධර්මදාස, සුජිත් අක්කරවත්ත යන ප්‍රවීණ ලේඛකයින්, ආරාධිත ලේඛකයන් ලෙස කටයුතු කරන බව `සත්හඬ` පුවත්පතේ කර්තෘ මාණ්ඩලික ප්‍රකාශකයා වැඩිදුරටත් පැවසීය.
