මැතිවරණ මහලේකම් කාර්යාලය පවසන්නේ 1988 අංක 15 දරණ පාර්ලිමේන්තු මැතිවරන පනතින් සංශෝධිත 1981 අංක 01 දරණ පාර්ලිමේන්තු මැතිවරණ පනතේ 127 ආ වගන්තිය යටතේ ඒ සම්බන්ධයෙන් ප්‍රතිපාදන සලසා ඇති බවයි.
මේ සඳහා අවශ්‍ය ඉල්ලුම්පත්‍ර සියලුම දිස්ත්‍රික් තේරීම් භාර නිලධාරී කාර්යාලවල මෙන්ම, ප්‍රාදේශීය ලේකම් හා ග්‍රාම නිලධාරී කාර්යාලවලින් ලබාගත හැකි බවත්, නීත්‍යානුකූලව නාමයෝජනා දැන්වීමේ දින සිට එනම්, 2015.06.26 සිට දින 7ක් ඇතුළතදී අදාළ ඉල්ලුම්පත මැතිවරණ කොමසාරිස්, මැතිවරණ මහලේකම් කාර්යාලය, සරණ මාවත, රාජගිය යන ලිපිනයට එවිය යුතු බවත් එම කාර්යාලය පවසයි.
එම කාලසීමාව 2015.07.10 දින දක්වා දීර්ඝ කර ඇති බැවින් අදාළ අයදුම්පත එදිනට හෝ එදිනට පෙර ලැබෙන සේ පෙර සඳහන් ලිපිනයට එවිය යුතුය.
ඉල්ලුම්කරු පදිංචි ප්‍රදේශයේ ග්‍රාම නිලධාරී ලවා ඉල්ලුම් පත්‍ර සහතික කරවා ගත යුතු අතර, ජාතික හඳුනුම්පතේ අංකය ඉල්ලුම්කරු විසින් ඉල්ලුම් පත්‍රයේ සඳහන් කිරීම අත්‍යවශ්‍යවේ.
