පසුගිය ජනාධිපතිවරණයේ ප්‍රචාරක කටයුතු සඳහා රක්‌නා ලංකා ආරක්ෂක ආයතනයේ නිලධාරීන් 548 දෙනකු යොදවා තිබිණි.
මේ සම්බන්ධයෙන් සිවිල් ආරක්ෂක බළකායේ සේනාවිධායකවරයාගෙන් ද ජනාධිපති පරීක්ෂණ කොමිසම ප්‍රකාශ සටහන් කරගෙන තිබේ.
එම ආරක්ෂක නිලධාරීන් මැතිවරණ කටයුතු සඳහා යෙදවීමෙන් පසු ඔවුන්ගේ රාජකාරි ආවරණය කිරීම සඳහා සිවිල් ආරක්ෂක බළකායේ සෙබළුන් යොදවා සිටි බව පරීක්ෂණ වලින් අනාවරණය වී ඇත.
සිවිල් ආරක්ෂක බළකායේ සෙබළුන් සඳහා රජයෙන් වැටුප් ගෙවද්දී ඔවුන් පෞද්ගලික ආරක්ෂක අංශයක සේවය සඳහා යොදවා ගැනිම නීතිවිරෝධී බැවින් මේ සම්බන්ධයෙන් සිවිල් ආරක්ෂක බළකායේ සහ රක්‌නා ලංකා ආරක්ෂක අංශයේ බලධාරීන් කීපදෙනකුගෙන්ම ඉදිරියේදී ප්‍රශ්න කිරීමට නියමිතය.
සිවිල් ආරක්ෂක සේවයෙන් විය යුතු වගකීම් පවා රාජපක්ෂ පවුලේ අනාගතය වෙනුවෙන් යොදවා ගත් බවට බොහෝ තොරතුරු අනාවරණය වෙමින් පවතින බවද සැලවේ.
