'මහින්ද සමඟ නැගිටිමු"නමින් රට පුරා රැළි මාලාවක් සිදු කරමින් මහින්දවාදීන් දිගින් දිගටම පැවසූවේ තමන්ට වෙනම තරග කර ආණ්ඩුවක් පිහි‍ටු විය හැකි බවය. රාජපක්ෂ මහතාව අගමැති බවට පත් කරන බවය.
එහෙත් අවසානයේ සිරිසේන මහතා ළඟ ඇද වැටී අඩුම තරමින් තමන්ට එජනිසෙන් නාම යෝජනා හෝ ලබා දෙන මෙන් ඉල්ලා සිටීමට රාජපක්ෂ මහතාට සිදුවිය. ඔහුට අගමැති අපේක්ෂක ධුරය නොලැබිණි. සන්ධානයේ මැතිවරණ ව්‍යාපාරය මෙහෙය වීමේ වගකීමවත් නොලැබිණි. නිකම්ම නිකම් අපෙක්ෂකයකු ලෙස මහ මැතිවරණයට ඉදිරිපත් වීමේ අවස්ථාව පමණක් හිමි විය.
ඒ කෙසේ වෙතත් පක්ෂයකින් නාම යෝජනා ලබා ගැනීම සඳහා මෙරට ඉතිහාසයේ වැඩිය වියදමක් මහන්සියක් සටනක් කළ පුද්ගලයා බවට මහින්ද රාජපක්ෂ ඉතිහාස ගත වී තිබේ.
ඒ පක්ෂය තමන් සාමාජිකත්වය දරන එයින්ම ජනාධිපතිධුරයටද පත් කළ පක්ෂය වීම එහි ඇති මහින්දගේ නිවට කම මෙන්ම විහිළු සහගතභාවය තවත් තිව්ර කරයි.
