එමෙන්ම නීති විරෝධී මැතිවරණ ප‍්‍රචාරක කටයුතු වලට යොදා ගත් වාහන 57ක් ද පොලිස් භාරයට ගෙන තිබේ. මේ අතර මහ මැතිවරණයට අදාල පැමිණිලි 64 ක් ද පොලීසිය වෙත වාර්තා වී ඇති බව රුවන් ගුණසේකර මහතා සඳහන් කලේය. ඊට අදාලව පුද්ගලයින් 27 දෙනෙකු අත්අඩංගුවට ගෙන තිබේ. මහා මාර්ගවල නීති විරෝධී මැතිවරණ ප‍්‍රචාරක කටයුතු කරන්නන්ට මැතිවරණ නීතියට අමතරව මංමාවත් පනත හරහා ද නීතිමය පියවර ගන්නා බව පොලිස් මාධ්‍ය ප‍්‍රකාශකවරයා වැඩිදුරටත් කියා සිටියේය.
මේ අතර මැතිවරණයට අදාල පැමිණිලි 528 ක් ලැබී ඇති බව පැෆ්රල් සංවිධානය පවසයි. ඒවායින් ප‍්‍රචණ්ඩ කි‍්‍රයා 47 ක් සහ රාජ්‍ය දේපළ අව භාවිතය පිළිබඳ සිද්ධින් 86 ක් ද තම සංවිධානය වෙත ලැබි ඇති බව එහි විධායක අධ්‍යක්ෂ රෝහණ හෙට්ටිආරච්චි මහතා පැවසුවේය.
මේ අතර මැතිවරණ මහලේකම් කාර්යාලය වෙත ද පැමිණිලි 663 ක් ලැබී තිබේ. ඉන් පැමිණිලි 154 ක් වාර්තා වන්නේ පත්වීම් උසස් වීම් ආදිය ලබා දීම සම්බන්ධයෙන්ය.
