විදේශ රැකියා ප‍්‍රවර්ධන සහ සුබසාධන අමාත්‍ය ඩිලාන් පෙරේරාගේ උපදෙස් පරිදි මෙම පියවර ගත් බව එම කාර්යාංශයේ නියෝජ්‍ය සාමාන්‍යාධිකාරී මංගල රන්දෙණිය මහතා සඳහන් කළේය.
මේ වසරේ ජනවාරි මාසයේ ඕමානයේ රැකියාවකට ගිය මෙම කාන්තාව එරට හාම්පුතෙකුගෙන් අතවරයට ලක්වී ඇති අතර අනතුරුව විදේශ සේවා නියුක්ති කාර්යාංශය ඕමානයේ පවත්වාගෙන යන සුරක්ෂා නිවසට යොමුකර තිබිණ.
ගැබ් ගෙන ඇති මෙම කාන්තාවට තර්ජනය කර එරට පෞද්ගලික රෝහලකදී සුරක්ෂා නිවසේ නිලධාරින් විසින් ගබ්සාවක් කරවා ඇති බවට ඇගේ සැමියා චෝදනා කරයි. තමන්ට ද තර්ජන එල්ලවී ඇති බව ඔහු කියා සිටියි.
තම බිරිඳට සිදුවූ අසාධාරණය සම්බන්ධයෙන් නීතියෙන් පියවර ගන්නා ලෙස ඉල්ලමින් ඔහු ශ්රී ලංකා මානව හිමිකම් කොමිසමටද පැමිණිල්ලක් කර ඇත.
ඕමාන තානාපති කාර්යාලයේ සුරක්ෂා නිවසේ සිටියදී කාන්තාවක බලහත්කාරයෙන් ගබ්සාවකට ලක් කිරීමේ සිද්ධිය සම්බන්ධයෙන් පරික්ෂණ සිදුකිරීමට පත් කළ විශේෂ කමිටුව කඩිනමින් ඕමානය බලා පිටත්ව යාමට නියමිතය.
Leave a comment
