දැල්පන්දුවේ මල මෙතැනය Featured

Published in පුවත්
Wednesday, 12 September 2018 20:57

ආසියානු සූරියන් වූ ශ්‍රී ලංකා දැල්පන්දු කණ්ඩායමේ ජාතික පුහුණුකාරිනිය වූ තිලකා ජිනදාසගේ අදාල තනතුර සඳහා වූ ගිවිසුම් කාලය ආසියානු තරගාවලියත් සමග අවසන් වන බව මේ දිනවල උණුසුම් කතා බහකට ලක් ව ඇත. ආසියානු සූරතාවලියේ අවසන් තරගයට පිවිසීමත් සමග ශ්‍රී ලංකාව ලබන වසරේ පැවැත්වෙන ලෝක දැල්පන්දු සූරතාවලියට සුදුසුකම් ලද අතර එනිසා ඇගේ ගිවිසුම් කාලය එම තරගාවලිය තෙක්ම දීර්ඝ විය යුතු බවට අදහස් පල වේ.

ලෝක කුසලානය දක්වාම ශ්‍රී ලංකා කණ්ඩායම තිලකා ජිනදාසට භාර කළ හැකි නම් එය කණ්ඩායමේ යහපත පිණිස හේතු වන බව අවිවාදිතය. විශේෂයෙන්ම මෙවර තරගාවලිය කාලාන්තරයකට පසුව ශ්‍රී ලංකා කණ්ඩායම මනා කායික යෝග්‍යතාවයෙන් සන්නද්ධව සිටි තරගාවලියක් වූ අතර සෑම තරගයකම වෙහෙසකර කාර්තු වන තෙවන සහ අවසාන කාර්තු වලදීත් ආරම්භක ජවයෙන්ම ක්‍රීඩා කිරීමට තරම් ක්‍රීඩිකාවන් ශක්තිසම්පන්න වූහ. ඒ සියල්ල තිලකා සිදු කළ ප්‍රාතිහාර්යයන් විනා අහඹු සිදුවීම් නොවේ.

නමුත් තිලකා ජිනදාසගේ ගිවිසුම් කාලය අවසන් වී ඇත්නම් නිසි ක්‍රියාපටිපාටියට අනුව නැවත සම්මුඛ පරීක්ෂණයක් හෝ පවත්වා ඊ ළඟ පුහුණුකාරිණිය තෝරාගැනීම මේ
ක්‍රීඩාවේ අද දවස නොව හෙට අනිද්දාට ද යහපත් වනු ඇතැයි යෝජනා කරමි. පසුගිය කාලය පුරාම අප දුටුවේ විශ්‍රාම යා යුතු වයසේ සිටින කාන්තාවන් ඊ ළඟ පරම්පරාවේ පුහුණුකාරිනියන් ට සහ පරිපාලිකාවන්ට අවස්ථාව නොදී දැල්පන්දුව අරක්ගෙන සිටි ආකාරය ය. දේශපාලනික බලපෑම් , ගුරු-ගෝල සබඳතා සහ හිතමිතුරුකම් මත පුහුණුකරුවන් තෝරන , නිළධාරීන් තෝරන ඉතිහාසයක තිලකා ජිනදාස පවා අතිශය අසාධාරණයකට ලක් වූවාය. සුදුස්සාට සුදුසු තැන නොදි තිලකාව ලංකා දැල්පන්දුවෙන් පළවා හැරීමේ ප්‍රතිඵලය වූයේ ඇයගේ පුහුණුකාරීත්වයෙන් 2009 වසරේ ආසියානු සූරියන් වූ ශ්‍රී ලංකාව ඉන් පසු තරගාවලි 3 ම අනු සූරියන් වීමය. ශ්‍රී ලංකාව නැවත ආසියානු සූරියන් වන්නේ තිලකා ජිනදාසටම කණ්ඩායම භාර දුන් පසුවය.

එබැවින් මේ තීරණාත්මක මොහොතේ තිලකාගේ ගිවිසුම අලුත් කිරීමේදී එම තනතුරට වෙනත් සුදුස්සන් ලංකාව තුළ සිටී දැයි විමසා බැලීම වඩා ප්‍රජාතන්ත්‍රවාදීය. මන්ද යත් එම තනතුරට ඉල්ලුම් කරන ඕනෑම අයෙක් වේ නම් ඔවුන් පසුගිය කාලය පුරා ලංකාවේ දැල්පන්දුව තුළ කර ඇති දෙය පිළිබඳ පැහැදිලි පැතිකඩක් සමාජයට විවර වන බැවිනි. මේ දැල්පන්දුව පිළිබඳ රටම අවධානයෙන් සිටින මොහොතයි. වෙනදා මෙන් "අපේ කඩේ අපිට ඕනෑ විදියට " තාලයෙන් වැඩ කරන්නට ඉඩ නැති බවත් ශ්‍රී ලංකා දැල්පන්දුව දෙස රටම බලා සිටින බවත් පැහැදිලිය.

පසුගිය ඉතිහාසයේ තිලකා ජාතික පුහුණුකාරිනිය ලෙස පත් කිරීම වැළැක්වූ සහ මෙවර ඇය ඒ තනතුරට පත් වූ විට එය විවේචනය කරමින් දොස් නැගූ පුහුණුකාරිනියන් ට ද , ජයග්‍රාහී කණ්ඩායම ලංකාවට පය තබන්නට පෙර ක්‍රීඩිකාවන්ගේ අයිතිය කියාපාමින් මූණුපොතේ කෙහෙවලු පටලවාගන්නා පුහුණුකාරිනියන් ට ද මෙසේ පවසමි.

දැල්පන්දුවේ මල මෙතැනය.
එන්න - Landing Foot එක තබා නටන්න.

- සහන් කසීර වික්‍රමසිංහ -

Last modified on Wednesday, 12 September 2018 21:00

Leave a comment

worky

worky1

ld add copy

Gossip

දයාසිරියි වලේබොඩයි ජාතික ආරක්ෂක මණ්ඩලයට ගිහින් කියපු දේ

දයාසිරියි වලේබොඩයි ජාතික ආරක්ෂක මණ්ඩලයට ගිහින් කියපු දේ

පසුගිය අඟහරුවාදා පෙරවරුවේ ජනපති රනිල් ජාතික ආරක්ෂක මණ්ඩල හමුවට ගොස් ඇත්තේ දැනට විපක්ෂයේ අසුන්ගෙන සිට...

අනුරගේ බදු ක්‍රමය ගැන ෂෙහාන්ගෙන් පැහැදිලි කිිරීමක්

අනුරගේ බදු ක්‍රමය ගැන ෂෙහාන්ගෙන් පැහැදිලි කිිරීමක්

දැනටමත් වැට් බද්ද පදනම් වී ඇත්තේ, පිරිවැටුම මත බව ශෙහාන් සේමසිංහ පවසයි.

පීඩනය දරා ගන්න බැරි තැන මම ජීවිතය නැති කරගන්නත් හැදුවා

පීඩනය දරා ගන්න බැරි තැන මම ජීවිතය නැති කරගන්නත් හැදුවා

අපේ රටේ ප්‍රසිද්ධ නිළියක් විදිහට කවුරුත් දන්න කෙනෙක් තමයි යශෝධා විමලධර්ම කියන්නේ. ඇය නිතැනින්ම නිවුණ...

ජගත් මණුවර්ණට වෙඩි පහරක්

ජගත් මණුවර්ණට වෙඩි පහරක්

රංගන ශිල්පී ජගත් මණුවර්ණ ට වෙඩි පහරක් එල්ල වී අනතුරකට ලක්ව ඇති බව තොරතුරු වාර්තා වනවා.

Connet With Us