ඒ අනුව ශ්‍රීලනීපය දිය කර දමා නව පක්ෂයක් ලෙස ජනතාව අතරට යෑමෙන් තම පාර්ශ්වයට එරෙහිව ඇති චෝදනා අපවාද ආදියෙන් ගැලවී අලුත් අකාරයකින් අලුත් ප්‍රතිපත්ති ඉදිරිපත් කරමින් ඉදිරියට යා හැකි බව ඔහුගේ මතය වී තිබේ.
කෙසේ නමුත් ඊට ශ්‍රීලනිපයේ ජේෂ්ටයන් ගනනාවක් ඊට විරෝධය පළ කර තිබේ. ඒ අනුව තමන්ට හිමි ජනතා පදනම් විනාශ වනු ඇති බවත්. මෙය ශ්‍රිලනිපයේ ජේෂ්ටයන්ව ඉවත් කර බැසිල්වාදී කොටස් වලට බලය ලබාගැනීම වෙනුවෙන් කළ තවත් කුමන්ත්‍රණයක් බව ඔවුන් පෙන්වා දී තිබේ.
ඊයේ දුමින්ද දිසානායක හා බැසිල් අතර වූ සාකච්ඡාව ද මෙය වූ අතර ඊට එකඟතාවයක් ඇති වුවහොත් දුමින්ද දිසානායකගේ සහයෝගය ද මහින්දට ප්‍රකාශ කරනු ඇත.
සිරා මරා කුමන්ත්‍රණයේ මීළඟ පියවර විදිහට ක්‍රියාත්මක කිරීමට සැලසුම් කර තිබෙන්නෙ කෙසේ හො ආණ්ඩුවක් පිහි‍ටුවා , අතුරු අය වැය යෝජනාවක් ගෙනවිත් එය පරාජයවන්නට ඉඩ හැරීමය. ඒ අනුව පාර්ලිමෙන්තුව විසුරුවා හැරීමට සිදුවේ. වත්මන් ආණ්ඩුක්‍රම ව්‍යවස්ථාව අනුව වසර හතරාහමාරක කාලය ගෙවී යෑමට ප්‍රථම පාර්ලිමේන්තුව විසුරවීමට ඇති එකම ක්‍රමවේදය මෙයය.
