ඊයේ (07) මාදම්පේ - මැදගම ප්‍රදේශයේදී මෙම අත්අඩංගුවට ගැනීම සිදු කර ඇත.
බිංගිරිය වැල්ලරාව පදිංචි 15 හැවිරිදි මෙම දැරිය පාසලේ පැවති උපකාරක පංතියක් අවසන් කර නිවස බලා යමින් මෙම පැහැර ගැනීම සිදු කර තිබේ.
කිසියම් අයෙකු විසින් පැහැරගෙන ගොස් ඇති බවට දැරියගේ මව්පියන් විසින් පොලීසියට කර ඇති පැමිණිල්ලකට අනුව මෙම අත්අඩංගුවට ගැනීම සිදු කර ඇත.
සැකකරු වසර දෙකක පමණ කාලයක් තමන් සමග ප්‍රේම සම්බන්ධතාවයක් පැවැත්වූ බවත්, එහි ප්‍රතිඵලයක් ලෙස සැකකරුගේ ඉල්ලීම පරිදි ඔහු සමග ගිය බවත් දැරිය පොලීසිය හමුවේ පවසා ඇත.
අත්අඩංගුවට ගෙන ඇති සැකකරු කන්කසන්තුරේ යුධ හමුදා කඳවුරට අනුයුක්තව සේවය කරන අයෙකු බව පොලිසිය පවසයි.
සිද්ධිය පිළිබඳ වැඩිදුර විමර්ශන පොලිසිය විසින් සිදු කරයි.
