ටයිම්ස් ඔන්ලයින් පුවත් අඩවියට ප්‍රකාශයක් ලබා දෙමින් ඒ මහතා පවසා ඇත්තේ පාර්ලිමේන්තුවේ ස්වාධීනව සිටිය ද තවදුරටත් සිය අමාත්‍යංශයේ කටයුතු සිදු කරන බවය.
පාර්ලිමේන්තුව තුල ස්වාධීනව හිඳිමින් කැබිනට් මණ්ඩලයේ කටයුතු කිරීම කැබිනට් මණ්ඩලයේ සාමුහිකත්වය කැඩීමක් වනවා සේම එය තක්කඩි හැසිරීමකි. කෙසේ නමුත් වත්මන් ආණ්ඩුව නීත්‍යානුකූල නොවන එකක් බව ඔප්පු වී අවසන් නිසා. විජෙදාස රාජපක්ෂගේ මීළඟ ප්‍රකාශය එජාපය මුලිකත්වයෙන් නිර්මාණය වන ආණ්ඩුවේ ඇමැතිධුරයක් බාර ගන්නවා යැයි පැවසීම විය හැකිය.
මේ වන විටත් ශ්‍රිලනීපය නියෝජනය කරමින් කුමන්ත්‍රණ ආණ්ඩුවේ ඇමැතිකම් දරණ මන්ත්‍රීවරු රැසක්ම හෙට අනිද්දා වන විට පාර්ලිමේන්තුව තුල ස්වාධීන වීමටත් ගොඩ නැගෙන නව ආණ්ඩුවේ ඇමැතිකම් දැරීමත් ඉදිරියේදි සිදු වීමට නියමිතය.
අද පෙරවරුවේ පාර්ලිමේන්තුව රැස් වූ මොහොතේම තමන් ස්වාධීන වන බවට ප්‍රකාශ කිරීමට සිටි ශ්‍රිලනීප මන්ත්‍රීවරු තිදෙනෙකු නිවාස අඩස්සියේ තබා ගනිමින් එය වැලැක්වීමට රාජපක්ෂවරු කටයුතු කර තිබිණි.
එහෙත් මේ වන විට ජනාධිපතිවරයා සහ කතානායකවරයා අතර වූ සාකච්ඡාවේ ප්‍රතිපලයක් ලෙස කුමන්ත්‍රණ ආණ්ඩුවේ ආයුෂ හෙට දිනයේදී අවසන් වෙනු ඇත.
