පෙරටුගාමී සමාජවාදී පක්ෂයේ මහනුවර දිස්ත්‍රික් කාර්යාලයට ඊයේ (12) රාත්‍රියේ සහ අලූයම අවස්ථා දෙකකදී ප්‍රහාර එල්ල වී තිබේ. ප්‍රහාරය සම්බන්ධයෙන් පුද්ගලයින් විසිදෙනෙකු පොලිසිය විසින් අත්අඩංගුවට ගෙන තිබේ.
බන්ධනාගාර රැඳවියන්ට ද සියලු චාරිත්‍ර වාරිත්‍ර ඉටුකරමින් සිංහල හින්දු අලුත් අවුරුද්ද සැමරීමට අවස්ථාව උදාකැර දීමට බන්ධනාගාර දෙපාර්තමේන්තුව කටයුතු යොදා අැත.
ශ්‍රී ලංකාවේ මද්‍යසාර භාවිතය පාලනය පිළිබඳ ජාතික ප්‍රතිපත්තියක්‌ ක්‍රියාත්මක කිරීමට රජය තීරණය කර තිබේ.
මෙවර සිංහල සහ දෙමළ අලූත් අවුරුද්දේ නැකත් සීට්ටුව අනුව පරණ අවුරුද්ද සඳහා ස්නානය කිරීම අදට (13)යෙදී තිබේ. ඒ අනුව දිවුල්පත් යුෂ මිශ්‍ර නානු ගා ස්නානය කිරීම සුදුසු බව නැකත් පත්‍රයේ සඳහන්වේ.
ශ්‍රී ලංකා නිදහස් පක්ෂ කුරුණෑගල දිසා සමුළුවේ දී හිටපු ජනපතිනි චන්ද්‍රිකා බණ්ඩාරනායක කුමාරතුංග මහත්මියට බැන වදිමින් හූ කී පිරිසකට විරෝධය දැක්වූ නිකවැරටිය ප්‍රාදේශීය සභා මන්ත්‍රීවරයකුට පහර දුන් බවට සැක පිට අධිකරණයට ඉදිරිපත් වූ නාගරික මන්ත්‍රීවරු දෙදෙනෙක්, ප්‍රාදේශීය සභා මන්ත්‍රීවරයෙක් සහ නීතීඥයෙක් ඇතුළු පස් දෙනෙක් ඇප මත මුදා හැර තිබේ.
නෙදර්ලන්තයේ හේග් නුවර පැවැත්වෙන 2015 සයිබර් අවකාශය පිළිබද ලෝක සමුළුවේ විශේෂ ආරාධිතයෙකු ලෙස විදේශ කටයුතු නියෝජ්‍ය අමාත්‍ය අජිත් .පී.පෙරේරා සහභාගිවීමට නියමිතය.
ශ්‍රීලනිප මධ්‍යම කාරක සභාවෙන් බන්දුල ඇතුළු පහක් දොට්ට
ශ්‍රී ලංකා නිදහස් පක්ෂ මධ්‍යම කාරක සභාවෙන් පාර්ලිමේන්තු මන්ත්‍රීවරුන් පස් දෙනකු ඉවත් කර ඇතැයි දේශපාලන ආරංචි කියයි.
