ආණ්ඩුවේ ක්‍රියාමාර්ග විවේචනයට ලක් කරන භික්ෂූන්ට කොටි ලේබලය නොගසන මෙන් ජාතික සංඝ සභාවේ සහ ජාතික හෙළ උරුමයේ භික්ෂූන් වහන්සේ ආණ්ඩුවෙන් ඉල්ලා සිටිති.

අද(03)මෛත්‍රීපාල සිරිසේන මහතා සහභාගි වූ අරලගංවිල ප්‍රදේශයේ පැවැති ‍රැළියකට වෙඩී තබීමක් සිදුව ඇතැයි වාර්තා වේ. වෙඩි වැදීමෙන් 3 දෙනෙකුට තුවාල සිදුව ඇත. මෛත්‍රීපාල සිරිසේන මහතා එම මොහොතේ වේදිකාවෙන් ඉවත්ව සිටියේය. මෙම ‍රැළියට අති විශාල ජනතා සහභාගිත්වයක් තිබීම විශේෂ සිදුවීමකි.

අද උදැසන මේ සම්බන්ධයෙන් විමල්ගේ සී නිව්ස් වෙබ් අඩවිය හෙළිදරව් කර තිබේ.

මහින්ද රාජපක්ෂගේ ජනාධිපතිවරණ ව්‍යාපාරයට වෛද්‍යවරුන්ගේ සහය ලබා ගැනීම සඳහා හෙට උදැසන 7.00 ට කොළඹ ගලධාරී හෝටයේ පැවැත්වෙන ප්‍රිය සම්භෂණයේ සම්පූර්ණ වියදම දරා ඇත්තේ මාලඹේ පෞද්ගලික විශ්ව විද්‍යාලයේ (SAITM) හිමිකරුවා වන වෛද්‍ය නෙවිල් ප්‍රනාන්දු බව හෙළිව තිබේ.

අද (03) මීට මොහොතකට පෙර පුත්තලම නගර මධ්‍යයේ මැතිවරන ප්‍රචරක කටයුතුවල (කැන්වසින්) යෙදුනු මෛත්‍රෙපාල සිරිසේන මහතාගේ ආධාර කරුවන්ට පුත්තලම නගර සභාවේ නගරාධිපති ඇතුළු මැර කණ්ඩායමක් විසින් පහර දීමක් සිදු කර තිබේ.

කවුරුන් කුමන පැතිවලට ගියත්, ජනතාවාදී නායකයෙකු ලෙස තමා සැමදා රටේ ජනතාව වෙනුවෙන් පෙනී සිටින බව ජනාධිපති මහින්ද රාජපක්ෂ මහතා ප‍්‍රකාශ කළේය.

පානදුර නගර සභාවේ උප නගරාධිපති ශ‍්‍රී මුණසිංහ මහතා පොදු අපේක්ෂක මෛත‍්‍රීපාල සිරිසේනට සහාය ලබාදෙන බව අද ප‍්‍රකාශ කළේය.

අද උදැසන හලාවත නගරයේ පැවැත්වෙමින් තිබු වීදියේ විරෝධය වැඩසටහනට හලාවත පොලීසියේ විරෝධය එල්ල වී තිබේ සමූහ ගායනා හා මහජනයා සමඟ අදහස් හුවමාරු කර ගැනීම හ පත්‍රිකා බේදීම ආදී වැඩ සටහන් කිහිපයක් මෙහිදී පැවැත්වෙමින් තිබියදී පොලීසිය පැමිණ 'මෙගා ෆෝන් "පාවිච්චිය නතර කල යුතු බව දන්වා තිබේ. එම නියෝගය අනුව පසුව එම වැඩ සටහන කරගෙන යන අතරතුර පැමිණ පත්තර අලෙවි කිරීම හා පත්‍රිකා බේදීමද නතර කළ යුතු බව දන්වා ඇති අතර ජනයා නොගැවසෙන ප්‍රදෙශයකට ගොස් ගීත ගැයීම පමනක් සිදු කිරීමට පොලීසිය අවසර දි තිබේ.

එ.ජ.නි.ස. මධ්‍යම පළාත් සභා මන්ත්‍රී ආර්.ජී. සමරනායක මහතා ඉදිරි ජනාධිපතිවරණයේදී පොදු අපේක්ෂක මෛත්‍රීපාල සිරිසේන මහතාට සහයෝගය දැක්වීමට තීරණය කර තිබේ.