ඔහු මේ අදහස් පළ කළේ, ආර්ජනාවේ රූපවාහිනී සේවයක් සමග සම්මුඛ සාකච්ඡාවකට එක්වෙමිනි.
එහිදී ඔහු සඳහන් කළේ, තමන් 53 වන වියේ පසු වුව ද මත්ද්‍රව්‍යවලින් සිය සිරුරට වූ හානිය සහ තමන් මානසිකව ලත් පීඩන හේතුවෙන් 78 හැවිරිදි පුද්ගලයෙකුගේ මෙන් ශරීරය සහ මනස දුබලව පවතින බව ය.
එම ශාරීරික හා මානසික බිඳ වැටීම සිය ප්‍රතිවාදීන්ට බෙහෙවින් වාසිදායක වූ බව ත්, එවැනි තත්ත්වයක් සිදු නොවූයේ නම් තමන් ක්‍රීඩකයෙකු ලෙස ඉතාමත් ඉහළ මට්ටමකට පැමිණෙනු ඇති බව ත් ඔහු පැවසීය.
පසුගිය පාපන්දු ලෝක කුසලානය දිනා ගැනීමට ආර්ජන්ටිනාවට නොහැකි වීම දරා ගත නොහැකි දුකක් බව ද ඔහු පෙන්වා දුන්නේ ය.
දියෙගෝ මැරඩෝනා 1986 වසරේ පාපන්දු ලෝක කුසලානය දිනාගත් ආර්ජන්ටිනා කණ්ඩායමේ ප්‍රබල ක්‍රීඩකයෙකු විය.
පසුව ඔහු මත්ද්‍රව්‍යවලට ඇබ්බැහි වීමෙන් සිය ක්‍රීඩා දක්ෂතා මොට කරගත් බව විචාරකයින්ගේ පිළි ගැනීම ය.
(සිරස)
දියෙගෝ මැරඩෝනාගේ හොඳ ම ගෝල ප්‍රහාර 10ක් පහත දැක්වේ.
