විල්පත්තුවේ දැන් සිදුවන්නේ යටත් විජිත යුගයෙන් පසු ලොකුම වන විනාශයයි
බ්‍රිතාන්‍ය යටත් විජිත යුගයෙන් පසු ශ්‍රී ලංකාවේ සිදුවූ දැවැන්තම වනාන්තර විනාශය විල්පත්තු උතුරු කල්ලාරු සහ පෙරියමඩු වනාන්තර විනාශය බව පරිසරවේදීහු කියා සිටිති.
ත්‍රිකුණාමලය සාම්පූර්හි මහා පරිමාණයේ කර්මාන්ත ව්‍යාපෘතියක්‌ ආරම්භ කිරීම සඳහා ශ්‍රී ලංකා ගේට්‌වේ ඉන්ඩස්‌ට්‍රීස්‌ සමාගම ආයෝජන මණ්‌ඩලයෙන් බදු පදනම යටතේ ලබා ගෙන තිබූ ඉඩම ආපසු රජයට පවරා ගනිමින් ජනාධිපති නිකුත් කළ ගැසට්‌ නිවේදනය ක්‍රියාත්මක වීම අත්හිටුවමින් ශ්‍රේෂ්ඨාධිකරණය ඊයේ (15 දා) අතුරු තහනම් නියෝගයක් නිකුත් කළේය.
ගෝඨාට දුන් ශ්‍රේෂ්ඨාධිකරණ තීන්දුව නීතියට පිටින් ගිහිල්ලා - අගමැති
අප රටේ ආණ්ඩු ක්‍රම ව්‍යවස්ථාව අනුව ශ්‍රේෂ්ඨාධිකරණය මඟින් තහනම් නියෝගයක් නිකුත් කරන්නේ නම් විනිශ්චයකාරවරුන් තිදෙනකු විනිසුරු මඬුල්ලේ සි‍ටිය යුතු බවත් ගෝඨාභය රාජපක්ෂ මහතා අත් අඩංගුවට නොගන්නා ලෙස විනිසුරුවරුන් දෙදෙනෙ කු දී ඇති නියෝගය පිළිබඳව ගැටලුවක් පවතින බව නීතීඥයින් තමන්ට දැනුම් දී ඇතැයි අගමැති රනිල් වික්‍රමසිංහ මහතා පවසයි .
මත්තල දෙවැනි ජාත්‍යන්තර ගුවන්තොටුපොළ ඉදිකිරීම සඳහා පසුගිය ආණ්ඩුව ගත් ණය මුදල වෙනුවෙන් මසකට රුපියල් මිලියන 250 ක් ගෙවීමට සිදුව තිබේ.
නොමිලේ අන්තර්ජාල පහසුකම් ලබා දීමේ වයිෆයි කලාප දහසක් දිවයින පුරා ස්ථාපිත කිරීමේ ව්‍යාපෘතිය යටතේ දිවයිනේ සියලුම විශේෂිත ආර්ථික මධ්‍යස්ථාන සදහා අන්තර්ජාල පහසුකම් ලබා දීම‍ට සූදානමක් පවතී.
ශ්‍රී ලංකා මුස්ලිම් කවුන්සිලය ජනතා විමුක්ති පෙරමුණේ නායක අනුර කුමාර දිසානායක වෙත ලිපියක් යවමින් ප්‍රකාශ කර ඇත්තේ මන්නාරම දිස්ත්‍රික්කයේ අභ්‍යන්තර අවතැන් වුවන් නැවත පදිංචි කිරීම පිළිබඳ එම පක්ෂයේ ස්ථාවරය පරස්පර විරෝධී එකක් වී ඇති බවයි. මෙතෙක් කාලයක් වර්ගවාදය ප්‍රතික්ෂේප කිරීමේ ස්ථාවරයක සිටි ජනතා විමුක්ති පෙරමුණ අන්තවාදී බෞද්ධ බලවේග විසින් නොමග යවා තිබීම කණගාටුවට කරුණක් බව මුස්ලිම් කවුන්සිලය පවසයි.
19 වැනි ව්‍යවස්ථා සංශෝධනය සඳහා කතානායක චමල් රාජපක්ෂ මහතා අද (15) අත්සන් කර තිබේ.
