සියලු දේශපාලන පක්ෂ එකඟව බලය බෙදීමට එකඟතාවයකට පැමිණීම සදහා වන සාකච්ඡාවක් පැවැත්වීම සදහා දින නියම විය. මෙම සාකච්ඡාව එළඹෙන දෙසැම්බර් මාසයේ 08 - 09 -10 දින හැර පසු දිනයන්හි සිදුකිරීමට කාලය වෙන් කිරීම සදහා පක්ෂ නියෝජිතයින් අද පාර්ලිමේන්තුවේදී එකඟතාවයකට පැමිණියේය. දෙමළ ජාතික සන්ධානයේ එන්. සුමන්තිරන් දෙමළ ජනතාව මුහුණ දෙන ගැටළු ගැන මතු කළ අවස්ථාවේදී ජනාධිපතිවරයා බලය බෙදීම සඳහා වන සිය කැමැත්ත ප්‍රකාශ කළේය.

වර්තමානයේ රට තුළ බරපතල ආර්ථික ප්‍රශ්නයක් ඇති බවත් එය විසඳන තුරු පාර්ලිමේන්තුව විසුරුවීමට තමන් කටයුතු නොකරන බවත් ජනාධිපති රනිල් වික්‍රමසිංහ මහතා පැවසීය. ජනාධිපතිවරයා මේ අදහස් පැවසුවේ අද පාර්ලිමේන්තුවේදි අදහස් දක්වමිනි.

අයවැය දෙවැනිවර කියැවීමේ විවාදයේ අවසන් කතාව කළේ විදේශ කටයුතු ඇමති අලි සබ්‍රි සිය කතාව නිමා කළේ මංගල සමරවීර ගැන විපක්ෂය නොකියන කතාවක් කියමිනි.
තමන් විටෙක එකඟ නොවුනත් ඔහු කී කතා මොනතරම් ප්‍රායෝගික වී දැයි දක්වමින් අලි සබ්‍රි කී කතාව මෙසේය.

රනිල් වික්‍රමසිංහ මුදල් ඇමැතිවරයා ලෙස ඉදිරිපත් කළ ප්‍රථම අය වැය යෝජනාවම පාරජය කිරීමට විපක්ෂයේ පක්ෂ තීරණය කර ඇත. ඒ අනුව සමගි ජන බලවේගය, ශ්‍රි ලංකා නිදහස් පක්ෂය, ජනතා විමුක්ති පෙරමුණ, දෙමළ ජාතික සන්ධානය, විමල් වීරවංශ කණ්ඩායම, ඩලස් - ජී එල් කණ්ඩායම, අනුර යාපා ඇතුළු ස්වාධීන කණ්ඩායම මේ වන විට අයවැයට එරෙහිව ඡන්දය පාවිච්චි කිරීමට තීරණය කර ඇත. ඔවුන්ගේ ගනන් හැදීම අනුව අයවැය පරාජය කිරීමට අවශ්‍ය බහුතර ඡන්ද ප්‍රමාණය ඔවුන්ට ලැබීමට නියමිතය.

සක්‍රීයව නොමැති නිදහස් වෙළෙඳ ගිවිසුම් සාකච්ඡා නැවත ආරම්භ කිරීම රජයේ අභිලාෂය බව ජනාධිපති ලේකම් සමන් ඒකනායක සඳහන් කරයි.

ශ්‍රී ලංකාවේ කෘෂිකර්මාන්තය නවීකරණය කිරීමට සහ නව කෘෂි තාක්ෂණ විශ්වවිද්‍යාලයක් පිහිටුවීම සඳහා රජය කැලිෆෝනියා විශ්වවිද්‍යාල පද්ධතිය සමඟ සහයෝගයෙන් කටයුතු කරමින් සිටින බව ජනාධිපති රනිල් වික්‍රමසිංහ මහතා පැවසීය.

මෙරට තිබෙන ප්‍රශ්න මෙරට තුළම විසඳා ගැනීමට හැකියාව තිබෙන බවත්, ඒ සඳහා පිටස්තර කිසිවෙකු අතපෙවීමට නොපැමිණෙන බවත් ජනාධිපති රනිල් වික්‍රමසිංහ මහතා පැවසීය.