හාල්-පොල් අඩු මිළට විකිණීම රජය භාරගනියි. යන්න සතොසට
වෙළඳපොළ තුළ පවතින සහල් හිඟයට විසඳුමක් ලෙස අද (දෙසැ. 4) සිට දිනකට සහල් කිලෝග්‍රෑම් ලක්ෂ 2ක් බැගින් සතොස මගින් බෙදා හැරීමට රජය තීරණය කර තිබේ.
හමුදා බුද්ධි ප්‍රධානී බ්‍රිගේඩියර් මහතන්තිලක ධූරයෙන් ඉවතට
දූෂණ සහ තවත් චෝදනා රැසක් එල්ල වී තිබුණු හමුදා බුද්ධි ප්‍රධානියා ධූරයෙන් ඉවත් කර ඇති බව වාර්තා වේ.
පසුගිය කාලයට සාපේක්ෂව මත්ස්‍ය මිල ගණන් ඉහළ ගොස් ඇත.
ආණ්ඩුව සති දෙකක් තුළ සහල් ආනයනයට පියවර නොගත්තොත් රට දැඩි අර්බුදයකට
ඉදිරි සති දෙක ඇතුළත සහල් ආනයන කිරීම සඳහා රජය පියවර නොගත් හොත් දැඩි සහල් හිඟයක් ඇති වන බව සමස්ත ලංකා සුළු හා මධ්‍ය පරිමාණ වීමෝල් හිමියන්ගේ සංගමය පවසයි.
කල්දැමූ අධ්‍යයන පොදු සහතික පත්‍ර උසස් පෙළ විභාගයේ දෙවන අදියර අද (04) සිට යළි ආරම්භ වීමට නියමිතය.
මධ්‍යම, වයඹ, උතුරු මැද සහ ඌව පළාත්වල ස්ථාන ස්වල්පයක සවස් කාලයේ හෝ රාත්‍රී කාලයේ වැසි හෝ ගිගුරුම් සහිත වැසි ඇතිවිය හැකිය.
මන්ත්‍රී වෛද්‍ය රාමනාදන් අර්චුනාට පාර්ලිමේන්තුව තුළදී පහර දීලා
අද (03) පාර්ලිමේන්තුවේ විපක්ෂ නායක කාර්යාල පරිශ්‍රයේදී තමන්ට පහරදීමක් සිදුකළ බව යාපනය දිස්ත්‍රික් ස්වාධීන පාර්ලිමේන්තු මන්ත්‍රී වෛද්‍ය රාමනාදන් අර්චුනා මහතා පැවසීය.
යෝජිත ගාල්ල වරාය සංවර්ධන ව්‍යාපෘතිය යටතේ සිදුකරන මුහුදු ගොඩකිරීම් පිළිබඳ පරිපූරක පාරිසරික බලපෑම් ඇගයීමේ වාර්තාව සම්බන්ධයෙන් මහජන අදහස් විමසීම ආරම්භ කර තිබේ.
මාසයක කාලයක් මෙම අදහස් දැක්වීමට අවස්ථාව හිමිවෙන අතර වෙරළ සංරක්ෂණ දෙපාර්තමේන්තුවේ නිල වෙබ් අඩවියෙන් එම වාර්තාව ලබාගැනීමට හැකියාව පවතී.
මධ්‍යම පරිසර අධිකාරිය, වනජීවි සංරක්ෂණ දෙපාර්තමේන්තුව, ගාල්ල දිස්ත්‍රික් ලේකම් කාර්යාලය, ගාල්ල ප්‍රාදේශීය ලේකම් කාර්යාලය, ගාල්ල මහ නගර සභාව, ධීවර හා ජලජ සම්පත් දෙපාර්තමේන්තුව, ගාල්ල දිස්ත්‍රික් කාර්යාලය සහ වෙරළ සංරක්ෂණ දෙපාර්තමේන්තුවේ උණවටුන කාර්යාලයේ එම වාර්තාව මේ වනවිට ප්‍රදර්ශනය කර ඇත.
එම මහජන අදහස්, ලිඛිතව ඉදිරිපත් කරන ලෙස වෙරළ සංරක්ෂණ දෙපාර්තමේන්තුව ජනතාවට දැනුම්දී ඇත.
ගාල්ල වරාය වාණිජ සහ සංචාරක වරායක් ලෙස, සංවර්ධනය කිරීමට අවශ්‍ය කටයුතු මීට වසර දෙකකට පමණ පෙර මූලික සාකච්ඡාවක් වශයෙන් ආරම්භ විය.
මේ සම්බන්ධව ,වෙරළ සංරක්ෂණ සහ වෙරළ සම්පත් කළමනාකරණ දෙපාර්තමේන්තුව මේ සදහා මූලිකව මෙම ව්‍යාපෘතිය පිළිබඳ පාරිසරික බලපෑම් ඇගයීම් වාර්තාව (EIA) අනුමත කිරීමත් සමඟ ශ්‍රී ලංකා වරාය අධිකාරිය (SLPA) සැළසුම් ඉදිරියට ක්‍රියාත්මක කිරීමට නියමිතය.
මෙම ව්‍යාපෘතියට අනූව ,වෙළඳාම් සංවර්ධනය, මගී යාත්‍රා නැව් නැංගුරම් ලෑම, සුපිරි යාත්‍රා, කුඩා බෝට්ටු සහ ජල ක්‍රීඩා සහ විනෝදාස්වාද ක්‍රියාකාරකම් රාශියක් ඇතුළත් වන අතර, එය දේශීය හා විදේශීය සංචාරකයින් සඳහා අංගසම්පූර්ණ ප්‍රධාන ආකර්ෂණයක් සහිත නගරයක් බවට පත්කිරීමට නියමිතය.
මෙම ව්‍යාපෘතිය යටතේ ගාල්ල වරාය සංවර්ධනය වැදගත් අධියරකි.
වෙරළාසන්න දිය කඩන ඉදිකිරීම, තවත් යටිතල පහසුකම් ව්‍යාපෘතියකි. නවීන නෞකා පර්යන්තයක්ද ඉදිකිරීමට නියමිතය. ඍජු හා වක්‍ර රැකියා රැසක් මේ යටතේ නිර්මාණය වෙයි. ගාල්ල ආර්ථික කේන්ද්‍රයක් මෙන්ම, සංචාරක කේන්ද්‍රයක් ලෙස ඉදිරියේ සංවර්ධනය කිරීම මෙහි මූලිකම ඉලක්කයක් වේ.
