පළාත් සභා ආණ්ඩුකාරවරුන් පස්දෙනකු ඉවත්කිරීමේ තීරණයකට අදාළ ලියකියවිලිවලට ඊයේ රාත්‍රියේ ජනාධිපතිවරයා අත්සන් තබා ඇතැයි වාර්තාවේ.

ඇමතිවරුන්ගේ නෝනලා පදනම් නිර්මාණය කරගෙන ඒ පදනම් හරහා මහත්වරුන්ගේ කොමිස් මුදල් ගිණුම්වලට බැර කරගන්නා බව එජාප පාර්ලිමේන්තු මන්ත්‍රී නලින් බණ්ඩාර මහතා පවසයි.පසුගිය රජයේ බොහෝ දේශපාලනඥයින් විවිධ ව්‍යාපාර හා ඉදිකිරීම් සඳහා තමා ලබාගත් කොමිස් මුදල් සෘජුවම ලබා නොගත් බවත්, ඒවා තම බිරිඳගේ හෝ පවුලේ සාමාජිකයෙකුගේ පෞද්ගලික ගිණුමකමකට බැරකර ඇති බවත්, එසේත් නැතිනම් හිතෛෂිවන්තයින්ගේ නමින් අටවා ගත් ව්‍යාජ සංවිධාන හෝ පදනම් වෙත එම මුදල් බැරකර ඇති බවත් මන්ත්‍රීවරයා පෙන්වාදුන්නේය.

බන්ධනාගාර නියාමකවරුන්ට නැවත වරක් ස්වයංක‍්‍රීය ගිනි අවි ලබාදීමට තීරණය කර තිබේ.

එක්සත් ජාතීන්ගේ මානව හිමිකම් කොමිසම මගින් ශ‍්‍රී ලංකාවේ සිදු වූ අතුරුදන් කිරීම් සහ යුද අපරාධ සම්බන්ධයෙන් සකස් කළ විශේෂ වාර්තාව ලබන සැප්තැම්බර් මාසයේදී ස්විට්සර්ලන්තයේ ජිනීවා නුවරදී පැවැත්වෙන මානව හිමිකම් කොමිසමේ මීළග සැසිවාරයට අනිවාර්යයෙන්ම ඉදිරිපත් කරන බවත්, එය විවාදයට තුඩු දිය හැකි බවත් එම කොමිසමේ වැඩ බලන මාධ්‍ය ප‍්‍රකාශිකා සිසිලි පෝයිලි සදහන් කළේය.

මුදල් අමාත්‍ය රවී කරුණානායක මහතා විසින් පාර්ලිමේන්තු මන්ත්‍රී බන්දුල ගුණවර්ධන මහතා වෙත රුපියල් බිලියන දෙකක වන්දි මුදලක් ඉල්ලා එන්තරවාසියක් යවා තිබේ.

2012 වර්ෂයේ නොවැම්බර් 09 වන දින වැලිකඩ බන්ධනාගාරයේ සිදු වූ ගැටුමෙන් මිය ගිය හා තුවාල ලැබූ තැනැත්තන්ගේ පවුල් වලට වන්දි ලබා දීමට පියවර ගන්නා බව අධිකරණ අමාත්‍යාංශය සඳහන් කරයි.

අහිංසක දෙමළ වැසියන් අට දෙනෙකු ගෙල කපා ඝාතනය කළ බවට චෝදනා ඔප්පු වූ හමුදා සෙබළෙකුට මරණ දඬුවම් නියම වී ඇත. සිද්ධිය 2000 වසරට අදාල එකක් වන අතර සාධාරණය ඉටු කෙරෙන්නේ වසර 15කට පසුය. 

අල්ලස් හෝ දුෂණ විමර්ශන කොමිෂන් සභාවේ කොමසාරිස්වරයෙකු ලෙස කටයුතු කළ කීර්ති විමලචන්ද්‍ර මහතා යළි සේවයට වාර්තා කර තිබේ.