මෙවර අපොස උසස්පෙළ විභාගය පැවැත්වීමට නියමිත කාලයෙහි මහ මැතිවරණය කැඳවීම නිසා එම සිසුන්ට බරපතල අසාධාරණයක් වන බව ගුරුවරුන් හා මාපියන් පවසා සිටිති.
පාර්ලිමේන්තුව විසිරුවා හැරීමත් සමග එක්සත් ජාතික පක්ෂයේ ඡන්ද සටන මෙහෙයැවීම සඳහා පළාත් පාලන, යහපාලන හා බුද්ධශාසන අමාත්‍ය කරු ජයසූරිය මහතා පත්කළ බව එජාප මූලස්ථාන ආරංචිමාර්ග සඳහන් කර සිටී.
ජනතා විමුක්‌ති පෙරමුණේ හිටපු නායක සෝමවංශ අමරසිංහ මහතාගේ නායකත්වයෙන් පිහිටුවන නව දේශපාලන පක්ෂයේ මංගල සමුළුව අද 27 වැනිදා පෙරවරු 10.00 ට කොළඹ නව නගර ශාලාවේදී පැවැත්වේ.
මහින්ද රාජපක්ෂට සහය පළ කරන කණ්ඩායම වෙනත් පක්ෂයකින් ඉදිරි මහ මැතිවරණය සඳහා ඉදිරිපත් වන්නේ නම් මෛත්‍රීපාල සිරිසේන දිනවීමට සහය දුන් පක්ෂ සන්ධානයක් ලෙස හංසයා ලකුණින් ඉදිරි මැතිවරණය ඉදිරපත් වීමට සූදානම් බව වාර්තා වේ.
මහින්ද මැතිවරණයට ඉදිරිපත් වෙන්නෙ නෑ, මෛත්‍රී සමඟ එකඟතාවයක
හිටපු ජනාධිපති මහින්ද රාජපක්ෂ ඉදිරි මහා මැතිවරණයට ඉදිරිපත් නොවන බව වාර්තා වේ. එසේම මැතිවරණය ඉදිරිපත් නොවීමේ තීරණයට හිලව්වක් ලෙස මහින්ද රාජපක්ෂ හිතවත් පාර්ශවයේ කිහිප දෙනෙකුට නාම යෝජනා ලබාදීමට මෛත්‍රීපාල ජනාධිපතිවරයා සමඟ එකඟතාවයකට පැමිණීමට උත්සාහ ගනිමින් සිටින බව දේශපාලන ආරංචි මාර්ග සඳහන් කරයි.
ඉදිරි මහමැතිවරණය අගෝස්තු මස 17 වන දින පැවැත්වීමට නියමිත බව රජයේ ආරංචි මාර්ග සඳහන් කරයි.
අද (26) මධ්‍යම රාත්‍රී පාර්ලිමේන්තුව විසුරුවා හැරීමට නියමිත බව ජනාධිපති කාර්යාල ආරංචිමාර්ග සඳහන් කරයි. ජනාධිපතිවරයා මේවනවිටත් පාර්ලිමේන්තුව විසුරුවා හැරීමට අදාළ ගැසට් නිවේදනයට අත්සන් තබා ඇති බව වාර්තා වේ.
සංචාරයක් සදහා දිවයිනට පැමිණි හිටපු ඉන්දීය ජනාධිපති ආචාර්ය අබ්දුල් කලාම් මහතා අද (26) පෙරවරුවේ ජනාධිපති කාර්යාලයේදී ජනාධිපති මෛත්‍රිපාල සිරිසේන මහතා හමුවූයේය.
