ඉන්දියාවේ විද්‍යා පුනර්ජීවනයේ ප්‍රමුඛයකු ලෙස සැලකෙන ඉන්දියාවේ හිටපු ජනාධිපති අබ්දුල් කලාම් මහතා ජුනි මස 26 වන දින ශ්‍රී ලංකාවට පැමිණීමට නියමිත බව විදේශ කටයුතු අමාත්‍යංශය පවසයි.

ප්‍රධාන පෙළේ රාජ්‍ය ආයතන කිහිපයක සහ පළාත් සභා ප්‍රාදේශිය සභා කිහිපයක සිදුවී යැයි කියන මහා පරිමාණයේ මුල්‍ය වංචා සහ අක්‍රමිකතා සම්බන්ධයෙන් මහජන පැමිණිලි ජනාධිපති විමර්ශන කොමිෂන් සභාවට ඉදිරිපත් වි තිබෙන බව කොමිසමේ ලේකම් ලැසිල් ද සිල්වා මහතා පවසයි.

යාපනයේ ආරක්ෂාව සඳහා අවශ්‍ය කඳවුරු පමණක් තබාගනිමින් එම දිස්ත්‍රික්කයේ පැවැති හමුදා කඳවුරු 59ක් මේ වන විට ඉවත්කොට තිබෙන බව යාපනය ආරක්ෂක සේනා ආඥාපති මේජර් ජනරාල් නන්දන උඩවත්ත මහතා පැවසීය.

විදේශ කටයුතු අමාත්‍ය මංගල සමරවීර මහතා ජපානයේ සංචාරයක නිරතවීමට නියමිතව තිබේ.

දකුණු පළාත් අමාත්‍ය ඩී.වී. උපුල් මහතා ලබන 15 වෙනිදා දක්වා යළි රක්ෂිත බන්ධනාගාරගත කරන ලෙස කොළඹ මහේස්ත්‍රාත්වරයා විසින් අද(10) නියෝග කර තිබේ.

එජනිස කෝට්ටේ මහ නගර සභා මන්ත්‍රී දෙ‍ාන් මහිමගේ පුෂ්පකුමාර සිය යතුරු පැදිය මත නැග මෙතෙක් ක්‍රියාත්මක නොවූ කහ ඉර පිළිබද බලධාරීන්ගේ අවධානය යොමු කර ගැනීමේ උත්සාහයක අද(10) නිරතවුණි.

මෙවර රයිගම් ටෙලි සම්මාන උළෙලේ ජනප්‍රිය නිළිය වෙනුවෙන් වන සම්මානය සූරූපී නිළි උදාරි වර්ණකුලසූරිය මහත්මියට ලබා ගැනීම වෙනුවෙන් ස්වාධීන රූපවාහිනිය අසාධාරණ ලෙස ප්‍රචාරක කටයුත්තක නියැලී සිටින බව ටෙලි නාට්‍ය ක්ෂේත්‍රයේ බර පතල චෝදනාවක් එල්ල වෙමින් තිබේ.

පසු ගිය රාජපක්ෂ ආණ්ඩුව සේවකයින්ගේ ඉල්ලීම් කප්පාදු කර සමෘද්ධි බැංකු මුදල් හා සේවක අර්ථ සාදක මුදල් උදුරා ගැනීමේ උත්සාහයක නිරතවූ බවත් දැන් පවතින යහපාලන ආණ්ඩුව සේවක ප්‍රශ්න පිළිබදව මුලදී නම්‍යශීලි බවත් පෙන්වා දැන් එම ප්‍රශ්න මග හැර යාමේ උත්සාහයක නිරත වන බව සමුද්ධි සංවර්ධන නිලධාරීන්ගේ සංගමයේ ප්‍රධාන ලේකම් චාමර මද්දුමහල්ගේ පවසයි.