තම හමුදා නිලධාරීන්ගේ අත්වැරදීමකින් හමාස් සටන්කාමීන්ගේ ප්‍රාණඇපයේ සිටි ඊශ්‍රායල වැසියන් තිදෙනකු ජීවිතක්ෂයට පත් වුණු බවත්, එය ඉතාමත් කනගාටුදායක සිදුවීමක් බවත්, ඊශ්‍රායල අග්‍රාමාත්‍ය බෙන්ජමින් නෙදන්යාහු පවසයි.

ඉන්දීය පාර්ලිමේන්තු කටයුතුවලට බාධා කිරීමේ චෝදනාව සම්බන්ධයෙන් මන්ත්‍රීවරු 14 දෙනෙකුගේ කටයුතු අත්තිටුවීමට ලෝක් සභාව අද තීරණය කර ඇති බව විදෙස් ආරංචිමාර්ග ‌පවසයි.

ජාත්‍යන්තර සහාය තමන්ට තිබුණත් නැතත්, ගාසා තීරයට දිගටම පහරදී, හමාස් සංවිධානය මුලිනුපුටා දමන බව ඊශ්‍රායල අග්‍රාමාත්‍ය බෙන්ජමින් නෙදන්යාහු පවසයි.

වයඹදිග පාකිස්තානයේ හමුදා මූලස්ථානයක් ඉලක්ක කර ඉස්ලාමීය කණ්ඩායමක් විසින් පුපුරණ ද්‍රව්‍ය පිරවූ ට්‍රක් රථයක් හප්පා ප්‍රහාරයක් එල්ල කර ඇති බව විදෙස් ආරංචිමාර්ග ‌පවසයි.

ප්‍රහාරයෙන් 24 දෙනෙක් ජීවිතක්ෂයට පත්ව ඇති බව එම වාර්තාවල ස‍දහන්ය.

පාකිස්තාන තලිබාන් කණ්ඩායම එම ප්‍රහාරයේ වගකීම භාරගෙන තිබුණි.

හමුදා කණ්ඩායමක් රැඳී සිටි එම ගොඩනැගිල්ලේ මීට පෙර  පොලිස් ස්ථානයක් ස්ථාපනය කර තිබූ බව සඳහන් ය.

ට්‍රක් බෝම්බ ප්‍රහාරයෙන් අනතුරුව තුවක්කුකරුවන් පිරිසක් එම ගොඩනැගිල්ලේ සිටි පිරිස් වෙත නොකඩවා වෙඩිතබා තිබුණි.

ගතවු පැය 24තුළ ඊශ්‍රායල හමුදා එල්ල කළ ප්‍රහාරවලින් පලස්තීනුවන් 297 දෙනෙකු මියගොස් ඇති බවට ගාසා බලධාරීන් පැවසීය.

ගාසා තීරය වෙනුවෙන් එක්සත් ජාතීන්ගේ මහ ලේකම් ඇන්ටෝනියෝ ගුටරෙස් එක්සත් ජාතීන්ගේ ආරක්ෂක මණ්ඩලයේ රැස්වීමක් කැඳවා තිබේ.
ඒ, ඔහුගේ විශේෂ බලතල භාවිත කරමිනි.

රුසියානු හමුදාවේ ප්‍රබල නිලධාරියෙක් යුක්‍රේනයේදී මියගොස් ඇතිබව ජාත්‍යන්තර මාධ්‍ය වාර්තා කරයි.

ඉන්දුනීසියාවේ මෙරාපි ගිනිකන්ද විදාරණය වීමෙන් කඳු තරණය කරන්නන් 11 දෙනෙක් මරණයට පත්වී ඇති බව වාර්තා වෙයි.