අන්තර්ජාතික අපරාධ අධිකරණය සුඩාන ජනාධිපති ඔමර් අල් බසීර් අත්අඩංගුවට ගන්නා ලෙස දකුණු අප්‍රිකාවෙන් ඉල්ලීමක් කර තිබේ. සුඩාන ජනාධිපතිවරයා  මේ වනවිට දකුණු අප්‍රිකාවේ පැවැත්වෙන අප්‍රිකානු ඒකාබද්ධ සමුළුවට සහභාගි වීම සඳහා ජොහැන්නස්බර්ග් නුවරට පැමිණ ඇති බව සඳහන් වේ.

ස්විඩන් රජ පවුලේ කාල් පිලිප් කුමරු හිටපු නිරූපිකාවක් සමඟ විවාහ වීමට සූදානම් වේ. 30 වන වියේ පසුවන සොෆියා හෙල්ක්විස්ට් නිරූපිකාවක් සේම රියැලිටි තරුවක්ද වේ.

ඇමරිකාවේ සේවක කළමනාකරණ ආයතනට දෙවැනි වතාවටත් සයිබර් ප්‍රහාරයක් එල්ල වී ඇතැයි ධවල මන්දිරය ප්‍රකාශ කර තිබේ. පසුගිය සතියේ ඇමරිකාවේ රජයේ නිලධාරීන්ගේ දත්ත වෙත හොරෙන් ඇතුළු වී ඇතැයි වාර්තා විය.

ඔස්ට්‍රේලියාවේ මෙල්බර්න් සිට මැලේසියාවේ ක්වාලාලම්පූර් දක්වා පියාසර කරමින් තිබූ මැලේසියානු ගුමන් සමාගමට අයත් මඟී ගුවන් යානයක් අද (12)පෙරවරුවේ හදිසියේ ගොඩ බස්වා ඇති බව විදෙස් මාධ්‍ය වාර්තා කරයි.

එක්සත් ජාතීන්ගේ සාම සාධක හමුදාවේ භටයන් සිය මෙහෙයුම් සිදු කරන රටවල අසරණභාවයට පත්ව සිටින කාන්තාවන් සමඟ ලිංගික සේවනයේ යෙදෙන බවට එක්සත් ජාතීන්ගේ වාර්තාවක් සඳහන් කරයි.

මේ වනවිට දකුණු කොරියාවේ මාර්ස් රෝග ව්‍යාප්තිය හේතුවෙන් බරපතල ප්‍රශ්න රැසකට මුහුණ දී සිටින බව වාර්තා වේ.  මාර්ස් වෛරසයෙන් මියගිය රෝගීන්ගේ සංඛ්‍යාව 9 දක්වා ඉහළ ගොස් ඇති අතර විශාල පිරිසකට රෝගය වැළඳී ඇතැයි සැක කෙරේ.

ඉන්දීය පොලිසිය සිදුකළ මෙහෙයුමකින් මාවෝවාදී සටන්කාමීන් ලෙස සැකකෙරෙන පුද්ගලයන් 12 දෙනෙකු ඝාතනයට ලක්ව තිබේ. නැගෙනහිර ඉන්දියාවේ මාවෝවාදීන්ගේ ක්‍රියා බහුලව සිදුවන ප්‍රදේශයක් වන පාලමු දිස්ත්‍රික්කයේ වනාන්තරය තුල ඇති වූ ගැටුමකින් මෙම ඝාතන සිදුව ඇත.

ඕනෑම අවස්ථාවකදී සිදුවන යුද අපරාධ කඩවීමක් හෝ මානව හිමිකම් කඩවීමක් පිළිබඳව නිවැරදි සත්‍ය තොරතුරු ලබාගැනීමට හැකිවන අයුරින් ස්මාට් දුරකතන යෙඳුමක් (Smart Phone App) නිර්මාණය කිරීමට එංගලන්තයේ ජාත්‍යන්තර නීතිඥ සංගමය කටයුතු කර තිබේ.