මෙම එන්නත නිෂ්පාදනය කර ඇත්තේ ජොන්සන් ඇන්ඩ් ජොන්සන් ඖෂධ සමාගමයි. ඒ අනුව එය අමෙරිකාව අනුමත කළ 03 වන කොරෝනා එන්නත ලෙස ඉදිරි දින කිහිපය තුළ නියාමනයේ අනුමැතිය හිමිකර ගනු ඇති බව විදෙස් වාර්තා සඳහන් කළා.
ෆයිසර් සහ මොඩර්නා එන්නත්වලට වඩා මිලෙන් අඩු ජොන්සන් ඇන්ඩ් ජොන්සන් කොරෝනා එන්නත අධිශීතකරණයේ නොව සාමාන්‍ය ශීතකරණ උෂ්ණත්වයේ ගබඩා කළ හැකි බව සඳහන්.
මෙම එන්නත නිෂ්පාදනය කළ සමාගම හිමි බෙල්ජියානු මව් සමාගම ප්‍රකාශ කළේ එමඟින් දරුණු මට්ටමේ කොරෝනා රෝගී තත්ත්වයන් වැළැක්වීමට අතිශය ක්‍රියාකාරී වන බවයි.
එවැනි තත්ත්වයන් සඳහා 85% ක ශක්‍යතාවක් පෙන්නුම් කළද එහි සමස්ත ක්‍රියාකාරීත්වය 66% ක් ලෙසයි සටහන් වන්නේ.
එහෙත් අත්හදාබැලීම්වලදී එන්නත ලබාගත් කිසිදු පුද්ගලයෙකු කොරෝනා ආසාදනයෙන් මියගොස් නැහැ.
