දේශපාලන කුළල් කා ගැනීමෙන් අපට ලැබිය හැක්කේ විනාශයම පමණි!

Published in පුවත්
Wednesday, 13 April 2022 18:57

යුක්රේන යුද ගැටුම් හේතුවෙන් ගෝලීය ආහාර හා බලශක්ති මිල දරුණු ලෙස ඉහළ යෑමෙන් සංවර්ධනය වෙමින් පවතින රටවලට දැඩි බලපෑමක් එල්ල වී ඇතැයි අන්තර්ජාතික මූල්‍ය අරමුදල ප්‍රකාශ කළේය.

එබැවින් ණය පැහැර හැරීමෙන් වැළකීම සඳහා ස්වෛරීත්ව බැඳුම්කර වඩාත් ශක්තිමත් යාන්ත්‍රණයක් යටතේ සිදු කිරීමට අවශ්‍ය බවද ජාත්‍යන්තර මූල්‍ය අරමුදල පෙන්වා දී ඇතැයි අල් ජසීරා පුවත් සේවය වාර්තා කළේය.

කොවිඩ් වසංගතය තවමත් බොහෝ රටවල අයවැය දැඩි පීඩාවට පත් කරමින් සිටින බවත්, යුක්රේන යුද්ධය පෙර නොවූ විරූ මට්ටමේ ණය ගෙවීමේ අවදානමක් මතු කර ඇතැයි ද ජාත්‍යන්තර මූල්‍ය අරමුදලේ මූල්‍ය කටයුතු දෙපාර්තමේන්තුවේ අධ්‍යක්ෂ වික්ටර් ගැස්පර් ප්‍රකාශ කළ බව අල් ජසීරා පුවත් සේවය වැඩි දුරටත් වාර්තා කළේය.

"ආහාර සහ බලශක්ති මිල ඉහළ යාම අඩු ආදායම්ලාභී රටවලට විශේෂයෙන් දැඩි ලෙස බලපාන අතර ඔවුන්ට තවත් ප්‍රදාන සහ ඉහළ සහනදායී මූල්‍යකරණයක් අවශ්‍ය විය හැකියි. ණය විනිවිදභාවය වැඩිදියුණු කිරීම සහ අවදානම් අවම කිරීම සඳහා ණය කළමනාකරණ ප්‍රතිපත්ති ශක්තිමත් කිරීම සඳහා රටවල් ප්‍රතිසංස්කරණ කටයුතු සිදු කළ යුතුයි." ඔහු ප්‍රකාශ කර තිබේ.

අඩු ආදායම්ලාභී රටවලින් සියයට 60ක් පමණ දැනටමත් ණය උවදුරුවල හෝ අවදානමට ලක්ව ඇතැයිද වාර්තා වේ.

මේ වන විට ශ්‍රීලංකා මහබැංකුවද ණය ගෙවීමේ හැකියාවක් නොමැති බව ප්‍රකාශයට පත් කර තිබේ. එම තත්යන් කළමණාකරනය කර ගැනීම වෙනුවෙන් ජාත්‍යන්තර මුල්‍ය අරමුදල සමඟ සාක්ච්ඡා කිරීමටද ණය ප්‍රතිව්‍යුහගත කිරීමේ ක්‍රියාවලියට ද අවතීර්ණ වී ඇත. කොහොම නමුත් ගෝලීය වසංගත තත්වයත් මේ වන විට පවතින යුක්‍රේන යුධ තත්වයත් මෙරට ආර්ථිකය බිඳ වැටට්වීම මේ වන විට සිදුකර අවසන්ය. පවතින අර්බුදකාරිත්වයෙන් මිදීමට තව වසර ගනනාවක් යනු ඇති බවත් ආර්ථික විශේෂඥයන් පෙනවා දී ඇත.

මෙරට දේශපාලන අධිකාරියෙහි කවර වෙනසක් සිදුවූවත් මෙම තත්වයන් කඩිනමින් වෙනස් කිරීමට නොහැකි බවත් ඇතැමෙක් පෙන්වා දෙයි. මේ අනුව මේ මොහොතේදී රට තවත් අනතුරකට වැටීම වැලැක්වීම වෙනුවෙන් පවතින දේශපාලන ව්‍යාකූලත්වය සමනය කර ගැනීම අනිවාර්ය කොන්දේසියක් වී ඇත. ජනතාව තමන්ගේ පීඩනයන් හමුවේ අරගල කළත් ඒවාට විසඳුම් සෙවීම කඩිනමින් සිදුකළ නොහැකි බවත් ඉදිරියේදී සිදුවීමට නියමිත බරපතල අසීරුතා හෝ මඟහැරගැනීම විය යුතුනම් රට සන්සුන් වීම විය යුතුව තිබේ. දේශපාලනික අස්ථාවරයන් හමුවේ ජාත්‍යන්තර මුල්‍ය අරමුදල පවා මෙරටට සහය වීමට මැලිවීම සිදුවන බව ආර්ථික විශේෂඥයන් පෙන්වා දෙයි.

මෙම බරපතල තත්වයන් ජනතාව තේරුම් නොගන්නේ නම් ඉදිරියේදී සිදුවන බරපතල තත්වයන්ට ජනතාවටද වගකීම බාරගැනීමට සිදුවනු ඇත. අද අප සිටින්නේ දේශපාලනික කුළල් කා ගැනීමේ අවදියක නොවේ. එකමුතුව අවබෝධයෙන් රට වැටීමට නියමිත අභාග්‍යසම්පන්න යුගය මඟ හැරීම වෙනුවෙන් අරගල කළ යුතු කාලයකය.

-පංචාලි

Leave a comment

Gossip

චම්පිකගේ කරුමය

චම්පිකගේ කරුමය

රාජගිරියේදී වූ රිය අනතුරට අදාලව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවකට එරෙහිව පසුගි...

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

බෝම්බ ප්‍රහාරයෙන් ආබාධිත වූ මහින්ද විජේසේකරට කළ අපහාසයට මනූෂට දැඩි විරෝධයක්..

ධීවර රාජ්‍ය ඇමති කාංචන විජේසේකර මහතාගේ පියා වූ හිටපු අමාත්‍ය මහින්ද විජේසේකර එල්ටීටීඊ බෝම්බ ප්‍රහාරය...

අනුරයියාගේ ‍රැල්ල...

අනුරයියාගේ ‍රැල්ල...

බුකියේ ‍රැළි හැදීම සාමාන්‍ය දෙයක්..ඒවාත් මුහුදු රැළි වගේ එනවා යනවා. සමහර ඒවා අතරමඟදී සුනුවිසුනු වෙයි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us