ඒ අනුව තායිලන්තයේ සියාම් ගෑස් සමාගම ඒ සදහා තෝරා ගත් බවයි ලිට්‍රෝගෑස් සමාගම නිවේදනය කරන්නේ.
පසුගිය වසර දහයක කාලයක් තුල මෙරටට ගෑස් ආනයනය සිදුකළේ ඕමාන් සමාගමකින්. කෙසේ වෙතත් වෙනත් සමාගම්වලින් ගෑස් ආනයනය කිරීමට අවස්ථාව තිබියදී දීර්ඝකාලයක් එකම සමාගමකින් ගෑස් ආනයනයට පියවර ගෙන තිබීම මතභේදාත්මක තත්ත්වයක් බවයි ලිට්‍රෝ ගෑස් සමාගමේ පාලන අධිකාරිය සඳහන් කරන්නේ. කෙසේ වෙතත් ඕමාන් සමාගම සමග තිබූ ගිවිසුම අදින් අවසන් වනවා. ලබන මස සිට ඉදිරි වසර දෙකක කාලය සඳහා මෙරටට ගෑස් ආනයනය කිරීමට ටෙන්ඩර් කැදවා ඇති බව එම සමාගම තවදුරටත් පවසනවා. ඕමාන් සමාගම මෙරටට එවන ලද අවසන් ගෑස් නෞකාව ඊයේ මෙරටට මුහුදු සීමාවට ලගාවුණා. ඉන් ගොඩබාන ලද ගෑස් වෙළෙදපොලට නිකුත් කිරීමටයි පියවර ගෙන ඇත්තේ.
කෙසේ වෙතත් මුතුරාජවෙල ලිට්ට්‍රෝ ගෑස් පර්යන්තයෙන් දෛනිකව වෙළෙදපොලට නිකුත් කිරීමට හැකියාව ඇත්තේ ගෑස් සිලින්ඩර් විසිදහසක් තිස්දහසක් අතර ප්‍රමාණයක් පමණයි. නාගරික ප්‍රජාවට සහ අත්‍යවශ්‍ය කටයුතුවලට ප්‍රමුඛතාව ලබාදෙමින් ගෑස් බෙදාහැරීමේ කටයුතු සිදුකෙරෙනවා.
-පංචාලි
