අමාත්‍යවරයා එහිදී සදහන් කර ඇත්තේ ඍණ තත්ත්වයේ තිබූ රටේ ආර්ථිකය ලබන වසරේ 1.7%ක වර්ධනයකට ළඟා වනු ඇතැයි අපේක්ෂා කරන බවත් සුභසාධනය, ආරක්ෂාව සහ සංවර්ධනය යන ප්‍රධාන සාධක ත්‍රිත්වය තුලනය කරමින් අභියෝගාත්මක අයවැයක් ලබන වසර සඳහා ඉදිරිපත් කරනු ඇති බවයි.
දීර්ඝ කාලීනව අයවැය හිඟයක් සමඟ අප ඉදිරියට ගමන් කර තිබෙන බවත් ඒ හිඟය තුලනය කරගනු ලැබූයේ ණය ගැනීම මඟින් වුවද විදේශ ණය ප්‍රතිව්‍යූහගතකරණය තවමත් අවසන්ව නැති බවත්, එසේම අයවැය හිඟය තුලනය කරගැනීමට දේශීය ණය වශයෙන් භාණ්ඩාගාර බිල්පත් මඟින් විශාල ලෙස මුදල් මුද්‍රණය කිරීම සිදු කළද සම්මත කරගත් මහ බැංකු පනතින් එයද සීමා කර තිබෙන බවත්, එම කරුණු මධ්‍යයේ අයවැය ඉදිරිපත් කිරීම අභියෝගාත්මක බවත් අමාත්‍යවරයා සඳහන් කර ඇත.
අයවැය මඟින් ඉදිරිපත් කරන යෝජනා ක්‍රියාත්මක කිරීමේදී ඇති වන ගැටලු, පවතින බාධා පිළිබඳ සොයාබැලීමට නීත්‍යනුකූල අයවැය කාර්යාලයක් මේ වන විට ක්‍රියාත්මක වන බැවින් අයවැය යෝජනා කෙරෙහි අවධානය යොමු කිරීමට රජයට නීත්‍යනුකූලවම සිදුව තිබෙන බවද රාජ්‍ය ඇමැතිවරයා වැඩිදුරටත් සඳහන් කළේය.
