වෛද්‍යවරුන්ට ලබාදුන් රුපියල් 35,000ක දීමනාව තමන්ට ද ලබා දෙන්නැයි ඉල්ලමින් ඔවුන් මෙම වැඩ වර්ජනය ඊයේ (13) පෙරවරු 6.30ට ආරම්භ කර ඇත.
සෞඛය වෘත්තීය සමිති සන්ධානයේ කැඳවුම්කරු රවී කුමුදේශ් පැවසුවේ, තම ඉල්ලීම්වලට අදාළව මුදල් අමාත්‍යාංශයේදී පසුගිය දා පැවති සාකච්ඡා අසාර්ථක වූ බවයි.
වැඩ වර්ජනයට මහජන සෞඛ්‍ය පරීක්ෂකවරුන්, රසායනාගාර ශිල්පීන්, ඖෂධවේදීන්, විකිරණවේදීන් ඇතුළු වෘත්තිය සමිති 72ක සාමාජිකයින් ඇතුළත් වේ.
ළමා රෝහල්, පිළිකා රෝහල්, වකුගඩු රෝහල් සහ මාතෘ රෝහල්වල වර්ජනය ක්‍රියාත්මක වන්නේ නැත.
සෞඛ්‍ය අමාත්‍ය රමේෂ් පතිරණ සදහන් කළේ වර්ජනය හමුවේ සෞඛ්‍ය සේවාව පවත්වාගෙන යාම සඳහා යුධ හමුදාව හා නාවිකා හමුදාව අනියුක්ත කර ඇති බවයි.
-P.M
