එම සංවිධානයේ සභාපති සමන්ත කෝරලේආරච්චි මහතා පවසන්නේ නොරොච්චෝලේ විදුලි බලාගාරයේ ජනනයවන විදුලිය අනුරාධපුරයට රැගෙන ඒම සඳහා පුත්තලම කළපුව හරහා ඉදිවන අධි බලැති විදුලි රැහැන් ඉදිකිරීමට එරෙහිව මෙම පෙත්සම ගොණු කරන බවයි.

නීතීඥ සුනිල් වටගල මහතාගේ උපදෙස් පරිදි නීතීඥ ශාන්ත ජයවර්ධන මහතා පෙත්සම් කරුවන් වෙනුවෙන් පෙනී සිටිමට නියමිතය. 

පුත්තලම කළපුව හරහා විදුලි රැහැන් ඉදිකිරීම සඳහා මධ්‍යම පරිසර අධිකාරිය ඇතුළු අදාළ ආයතන වලින් පරිසර තත්ත්ව වාර්තා ලබා ගෙන ඇති බව මේ සම්බන්ධයෙන්  කළ විමසීමක දී ලංකා විදුලි බල මණ්ඩලයේ මාධ්‍ය ප්‍රකාශක නියෝජ්‍ය සාමාන්‍යාධිකාරී සෙනුජිත් දසනායක මහතා පැවසුවේය.