සිය සංචාරය තුළ දී පෘතුගාල අග්‍රාමාත්‍යවරයා ජනාධිපති මහින්ද රාජපක්ෂ මහතා, විදේශ කටයුතු අමාත්‍ය මහාචාර්ය ජී.එල්.පිරිස් මහතා ඇතුළු රජයේ ඉහළ පෙළේ නිලධාරින් හමුවී සාකච්ජා පැවැත්වීමට නියමිතය.
පෘතුගාල අගමැතිවරයාගේ පැමිණීම සම්බන්ධව විපක්ෂ මන්ත්‍රීවරයකු පවසා සිටියේ, පාප් වහන්සේගෙන් සමාව බලාපොරොත්තු වූ පිරිස් වලට හැබෑවටම එවෙන්නක් අවශ්‍ය නම් දැන් ඊට අවස්ථාව උදාවී ඇති බවයි.
ඔවුන් සැබෑ දේශප්‍රේමින් නම් සමාව ගැනීමට බලකර සිටිය යුත්තේ පාප් වහන්සේට නොව පැමිණෙන අගමැතිවරයාට බව ඔහු කියා සිටියේය.
1505 දී ලංකාවේ මුහුදු බඩ පළාත් අල්ලා ගත් පෘතුගීසි ආක්‍රමණිකයන්ගේ ක්‍රියා වෙනුවෙන් ඉතාලියේ රෝමයේ වතිකානුවේ වෙසෙන පාප් වහන්සේ ගේ ශ්‍රී ලංකා සංචාරයේදී, පාප් වහන්සේ සමාව ගත යුතු යැයි බොදු බල සේනා සංවිධානය පසුගියදා ප්‍රකාශ කර තිබිණ.
එදා කුඩා දරුවන්ගේ ඛෙලි කපා කඩු තුඩේ ගැසූ දොන් ජෙරොනිමෝ දි අසවේදෝගෙන් පැවත එන පේද්රෝ මැනුවෙල් අගමැති එද්දී රතු පලස් දමා ආචාර වෙඩි මුර පවත්වා දොහොත් මුදුන් දී පිලිගන්නවාට එරෙහිව බොදු බල සේනාවේ ප්‍රතිචාරය කුමක්දැයි ජනතාව අවධානයෙන් සිටින බව මන්ත්‍රීවරයා වැඩිදුරටත් පැවසිය.
