19 වන ආණුඩුක‍්‍රම ව්‍යවස්ථා සංශෝධනයට කතානායකවරයා අත්සන් තැබීම සමග එය රටේ මූලික නීතිය බවට පත්වූ බවත් ඒ අනුව කටයුතු සිදුවිය යුතු බවත් ඔහු පැවසුවේය.
පසුගිය ආණ්ඩුව යටතේ මහින්ද රාජපක්ෂ ජනාධිපතිවරයා 18 වන ආණුඩුක‍්‍රම ව්‍යවස්ථා සංශෝධනයෙන් තම බලය අයුතු ලෙස භාවිතා කරමින් රටේ යහපැවැත්ම සදහා ස්වාධීනව පැවතිය යුතු ආයතන වලට තම හිතමිතුරන් පත්කර ගත් බව පැවසුවේය.
හිටපු ආරක්ෂක ලේකම් ගෝඨාභය රාජපක්ෂ අත්අඩංගුවට ගැනීම වලක්වාලමින් ශ්‍රේෂ්ඨාධිකරණය ප්‍රකාශයට පත් කළ අතුරු තහනම් නියෝගය පිළිබදවද ඔහු මෙහිදී අදහස් දැක්වූයේය. එම අතුරු නියෝගය ලබාදීමේදී කටයුතු කල විනිසුරන් තිදෙනා ගෙන් එක් අයෙක් එනම් බුවනෙක අලුවිහාරේ මහතා තම පෞද්ගලික හේතුවක් මත එම කමිටුවේ කටයුතු කළ නොහැකි බව පවසා ඉවත්වූ බවත් ඉතිරි දෙදෙනා ගෙන් ඊවා වනසුන්දර මහත්මිය රාජපක්ෂ ජනාධිපතිවරයා තම පෞද්ගලික හිතමිතුරුකමක් මත පත් කළ තැනැත්තියක් බවත් පැවසුවේය.දේශය පුවත්පතේ පළවී ඇති ලිපියක් උපුටා දක්වමින් ඔහු ඒ පිළිබද කරුණු තහවුරු කර දැක්වූයේය.
මෙවැනි පසුබිමක හිටපු ජනාධිපතිගේ එක කුස උපන් සොහොයුරාගේ මූලික අයිතිවාසිකම් පෙත්සම සලකා බැලීමට ඊවා වනසුන්දර මහත්මියට ඇති සදාචාරාත්මක අයිතිය පිළිබද ප‍්‍රශ්නයක් මතුවන බවත් ඔහු පැවසුවේය.
මේ නිසා පුරවැසි බලය සංවිධානය ලෙස 19 යටතේ නැවත පත්වීම් වලට ඉඩදී ස්වාධින අධිකරණයක් ඇතිකර ගැනීම සඳහා ශ්‍රේෂ්ඨාධිකරණ සහ අභියාචනාධිකරණ විනිසුරුවරුන් සිය ධූරවලින් ඉල්ලා අස්වන ලෙස ඉල්ලා සිටියේය.
මෙම අවස්ථාවට ඒක් වෙමින් පුරවැසි බලය සම කැදවුම්කරු ධර්මසිරි බණ්ඩාරණායක,ලංකා ගුරු සංගමයේ ලේකම් ජෝසප් ස්ටාර්ලින් ,ශ්‍රේෂ්ඨාධිකරණ නීතිඥ උපුල් කුමරප්පෙරුම යන අයද මෙහිදී අදහස් දැක්වූහ.
සම්පූර්ණ හඩ පටයට පහතින් සවන් දෙන්න
{soundcloud}https://soundcloud.com/lankadaily/purawasi-balaya-2015-05-20{/soundcloud}
