ජනාධිපති මෛත්‍රීපාල සිරිසේන මහතා විසින් මේ වන විට සරත් ෆොන්සේකා මහතාට ජනාධිපති සමාව ලබා දී ඇති නිසා අහිමි වූ මන්ත්‍රී ධූරය යළි හිමි විය යුතු බව අදාළ පෙත්සම මඟින් පෙන්වා දී ඇත.
ඒ හේතුවෙන් සරත් ෆොන්සේකා මහතාගේ මන්ත්‍රී ධූරය යළි ලබාදීම සඳහා පාර්ලිමේන්තු ලේකම්වරයාට නියෝග කරන ලෙස පෙත්සම්කරු ඉල්ලා ඇත.
කෙසේ වෙතත් එම පෙත්සමට මූලික විරෝධතාවක් මතුකරමින් නීතිපතිවරයා පෙන්වා දී ඇත්තේ එවැනි පෙත්සමක් ඉදිරිපත් කිරීමට සරත් ෆොන්සේකා මහතාගේ ලේකම් සේනක ද සිල්වාට කිසිදු නීතිමය පදනමක් නොමැති බවය.
පෙත්සම තුළ අන්තර්ගත කරුණු වලද කිසිදු නීතිමය පදනමක් නොමැති බව පැවසූ නීතිපතිවරයා එම පෙත්සම විභාගයට නොගෙනම ප්‍රතික්ෂේප කරන මෙන් ශ්‍රේෂ්ඨාධිකරණයෙන් ඉල්ලීමක් කර ඇත.
ඒ අනුව එම ඉල්ලීම පිළිගනිමින් අගවිනිසුරු කේ.ශ්‍රී පවන් මහතා ඇතුළු ශ්‍රේෂ්ඨාධිකරණ විනිසුරු මඩුල්ල එය විභාගයට නොගෙනම ප්‍රතික්ෂේප කර ඇත.
