එසේ අලෙවි කිරීමෙන් ලැබෙන මුදලින් සංස්ථාව නවීකරණය කිරීම, අතිරික්ත සේවකයින් සඳහා ස්වේච්ඡා වන්දි ක‍්‍රමයක් ක‍්‍රියාත්මක කිරීම, සංස්ථාවේ ගුවන් විදුලි නාළිකාවල වැඩසටහන් වල අන්තර්ගතය පෞද්ගලික නාලිකා සමඟ තරඟ කළ හැකි ලෙස වැඩි දියුණු කිරීමට යෝජනා කර ඇත.
සංස්ථාවේ ප‍්‍රධාන කාර්යාලයේ සිට විකාශණය කෙරෙන ගුවන් විදුලි නාළිකා 7 නාළිකා 4 දක්වා අඩු කිරීමට ද යෝජනා කර ඇත.
ගුවන් විදුලි සංස්ථාව මේ වන විට ලබන පාඩුව පියවා ගැනීම සඳහා කෙටි කාලීන පියවරක් ලෙස මහා භාණ්ඩාගාරයෙන් වාර්ෂිකව රුපියල් කෝටි එක හමාරක මුදලක් ලබා ගැනීමට ද ඇමතිවරයා යෝජනා කර තිබේ.
සංස්ථාව මාසිකව රුපියල් එක් කෝටි විසි ලක්ෂයක ආදායමක් ලැබූවද සංස්ථාවේ සේවක වැටුප් හා විදුලි බිල සඳහා රුපියල් පන් කෝටි විසි ලක්ෂයක මුදලක් වැය වන බව ඇමති රඹුක්වැල්ල මහතා කැබිනට් මණ්ඩලයට දැනුම් දී ඇත.
