අද පැවැති එම කණ්ඩායමේ මාධ්‍ය හමුවකදී එස් බී දිසානායක පෙන්වා දුන්නේ තමන්ගේ යෝජනාව ජාතික ආණ්ඩුවෙන් ඉවත් වීම වුවත් එය පක්ෂය අනුමත නොකර තව දුරටත් ජාතික අණ්ඩුවේ රැඳී සීමට තීරණය කරන්නෙ නම් තමන් ද ඒ තීරණය සමඟ සිටින බවය.
තමන් විශ්වාසභංගය හමුවේ පරාජය වූ බවත් එජාපය බහුතරය රැකගෙන විශ්වාසය තහවුරු කරගත් බවත් ඔහු අවධාරණය කළ අතර මේ හේතුවෙන් ඔවුන්ට තනිවම ආණඩුවක් පිහි‍ටුවා ගැනිමට ඉඩ දීම විය යුතු බවත් පැවසීය. එසේම එම ආණ්ඩුවට ශ්‍රීලනිපයේ මන්ත්‍රීවරුන්ටද එක් වීමේ අවස්ථාව ඇති බවත් පෙන්වා දුන්නෙය.
කෙසේ නමුත් ජාතික ආණ්ඩුවෙන් ඉවත් වූවත් ජනාධිපතිවරයාගේ පාර්ශ්වය තව දුරටත් නියෝජනය කරමින් ආණ්ඩුවේ හොඳ තීරණ වලට සහය දීම දිගටම කරන බවත් ඔහු මෙහිදී පෙන්වා දුන්නේය.
