ඇවන්ට්ගාඩ් සිද්ධිය සම්බන්ධයෙන් එම සමාගමේ සභාපතිවරයා, හිටපු ආරක්ෂක ලේකම් ගෝඨාභය රාජපක්ෂ ඇතුළු ඉහළ පෙළේ පස්දෙනකු වහාම අත්අඩංගුවට ගැනීම සඳහා ඇමැතිවරයකුගේ දැඩි බලපෑමක් සිදුවෙමින් තිබෙන බව වාර්තාවේ.

ජනතා විමුක්ති පෙරමුණෙ හිටපු නායක සෝමවංශ අමරසිංහ මහතා ජනසේත පෙරමුණේ නායක බත්තරමුල්ලේ සීලරතන හිමි සමඟ සන්ධානයකට එළඹීමට එකඟ වී ඇතැයි එම පක්ෂ ආරංචි මාර්ග සඳහන් කරයි.

යහපාලන ජාතික ආණ්ඩුවේ ඇමතිවරයෙක් මඩු රක්ෂිතය එළිපෙහෙලි කර තම ඡන්දදායකයන්ට බෙදාදීමේ ක්‍රියාදාමයක නිරත වෙමින් සිටින බව පරිසර හා සොබාදහම් අධ්‍යයන මධ්‍යස්ථානයේ සම්බන්ධීකාරක පරිසරවේදී රවීන්ද්‍ර කාරියවසම් මහතා පවසයි. වාණිජ්‍ය හා කර්මාන්ත අමාත්‍යවරයා වන රිෂාඩ් බදුර්දීන් විසින් මේ වනවිට අක්කර 04 ක පමණ ප්‍රමාණයක් එළිපෙහෙළි කර තිබෙන බව ඒ මහතා වැඩිදුරටත් සඳහන් කරයි.

පසුගිය ජනාධිපතිවරණය පැවති සමයේ ජනාධිපති අපේක්‍ෂකවරයකු වූ මෛත්‍රීපාල සිරිසේන මහතාට අපහාසාත්මක වන අන්දමේ ප්‍රවෘත්තියක්‌ නිර්මාණය කිරීම සම්බන්ධයෙන් ලන්ඩනයේ ශ්‍රී ලංකා මහා කොමසාරිස්‌ කාර්යාලයේ අමාත්‍ය ධුරයක්‌ දෑරූ සේපාල රත්නායක මහතා සොයා ගැනීම සදහා ජාත්‍යන්තර පොලීසියේ සහාය ලබා ගැනීමට කොළඹ මහේස්‌ත්‍රාත් උසාවිය පොලීසියට අවසර ලබා දී තිබේ.හිටපු ජනාධිපති මහින්ද රාජපක‍්ෂ මහතාගේ නීති උපදේශකයෙක් ලෙසද කටයුතු කළේය.

19 වන ව්‍යවස්ථා සංශෝධනය සම්මත කිරීම වෙනුවෙන් පාර්ලිමේන්තු සභා ගර්භයේත් ඉන් පිටත කාමර හා කමි‍ටු ශාලාවලත් පැවැති පොදු හා රහසිගත සාකච්ඡාවල තොරතුරු හිටපු ජනාධිපති මහින්ද රාජපක්ෂට වාර්තා කිරීමට අවසානයේ ඉතුරුව සිටියේ විමල් වීරවංශ මහතා පමණක් බව රාජපක්ෂ පවුලේ ආරංචි මාර්ග පවසයි.

රුපියල් බිලියන 2.5ක් (ඩොලර් මිලියන 200ක්) වැය කර දුම්රිය එංජින් සහ මැදිරි ගනනාවක් ඉන්දියාවෙන් මිළදී ගැනීමට ප්‍රවාහන අමාත්‍යංශය සූදානම් වේ. ඉන්දීය ණය ආධාර ක්‍රමය යටතේ මෙම මිළදී ගැනීම සිදුවන අතර දුම්රිය එංජින් 6 ක් මැදිරි 160 ක හා තෙල් ගබඩා ටැංකි 30 ක් මීට අයත්ය.