හකීම් - මෛත්‍රී ගිවිසුමක් නැති බව ආණ්ඩුවේ මුස්ලිම් මන්ත්‍රීවරු පවසයි
රවුෆ් හකීම්, බදියුදීන්, මුස්තාෆා යන ඇමැතිවරුන් ආණ්ඩුවෙන් වෙන්ව ගියේ මෛත්‍රිපාල සිරිසේන මහතාට අවශ්‍ය සහාය ලබාදීමට නොව ඉදිරි මහ මැතිවරණයට අවශ්‍ය ඡන්ද පදනම නිර්මාණය කිරීමේ අරමුණින් බවත් කොළඹදී ඊයේ (31දා) පැවැති ප්‍රවෘත්ති සාකච්ඡාවකදී අදහස් දක්වමින් පුත්තලම නගරාධිපති කේ.ඒ. බැසිස් මහතා පැවැසීය. මේ අනුව ආන්ඩුව විසින් හකිම් මහතා හා මෛත්‍රීපාල සිරිසේන මහතා අතර ගිවිසුමක් ඇතැයි යනුවෙන් පවසන කරුණ නිශ්ප්‍රභා වෙයි.
මුතුහෙට්ටිගම තවත් චණ්ඩිකමක් කරයි. ප්‍රදේශවාසීන් පන්නාගනී.
ඊයේ හිනිදුම , අකු‍රැස්ස අතර තලගල ප්‍රදේශයේදි පාර්ලිමේන්තු මන්ත්‍රී නිශාන්ත මුතුහෙට්ටිගම විසින් තවත් චණ්ඩිකමක් සිදුකර ඇතැයි වාර්තා වේ.
ජවිපෙ-මෛත්‍රී රහස් ගිවිසුම හෙළිකරන්න ගුණරත්නම් එනවාලු !
ජනතා විමුක්‌ති පෙරමුණ සහ විපක්‍ෂයේ පොදු අපේක්‍ෂක මෛත්‍රීපාල සිරිසේන මහතා අතර ඇති රහස් ගිවිසුම් හෙළිකිරීම සඳහා පෙරටුගාමී සමාජවාදී පක්ෂයේ නායක කුමාර් ගුණරත්නම් මහතා (කුමාර් මහත්තයා) අද (01දා) හෝ හෙට ශ්‍රී ලංකාවට පැමිණීමට නියමිත බව එම පක්ෂයේ ප්‍රචාරක ලේකම් පුබුදු ජයගොඩ මහතා ප්‍රකාශ කළේය.
මුලතිව් දිස්ත්‍රික්කයේ එක්සත් ජනතා නිදහස් සන්ධානයේ දිස්ත්‍රිකයේ සියලූම ආසන සංවිධායකවරුන් ඉවත් කිරීමට ජනාධිපතිවරයා අද තීන්දු කර තිබේ.
විමල්ගේ පාර්ලිමේන්තු ලේකම් ඇතුළු 5ක් මෛත්‍රීට !
ඇමැති විමල් වීරවංශ මහතාගේ පාර්ලිමේන්තු කටයුතු පිළිබඳ ලේකම් වරයා හා උතුරුමැද පළාතේ ප්‍රාදේශීය සභා මන්ත්‍රීවරු හතර දෙනෙක් අද දින මෛත්‍රීපාල සිරිසේන මහතාට සහය දීම සඳහා ඉදිරිපත්ව සිටින බව වාර්තාවේ.
කුරුණෑගල කැබිනට් හා පළාත් සභා ඇමැතිවරු 2ක් මෛත්‍රීට එක්වෙන ලකුණු
කුරුණැගල දිස්ත්‍රික්කය නියෝජනය කරන තවත් කැබිනට් ඇමැතිවරයෙක් හා පළාත් සභා ඇමැතිවරයෙක් ඉදිරි දින කිහිපය තුලදී මෛත්‍රීපාල සිරිසේන මහතාට සහය දැක්වීමට නියමිතය. මේ වන විට සිය පාක්ෂිකයන්ට තමන් ආණ්ඩුවෙන් ඉවත්වන බව මෙම කැබිනට් ඇමැතිවරයා දැනුම් දි තිබේ.
