රජයේ ඇමැතිවරයකුගේ මැදිහත් වීමක් සහිතව විල්පත්තු වන රක්ෂිතයේ සිදුවෙමින් පවතින වන විනාශය සම්බන්ධයෙන් වත්මන් පාලනය නිහඬ පිළිවෙතක් අනුගමනය කරන බවත් එය මෛත්‍රීපාල සිරිසේන මහතාගේ මැතිවරණ පොරොන්දුවලට පටහැනි ක්‍රියාවක් බවත් දක්වමින් බොදු බල සේනා සංවිධානය අද දින ජනාධිපතිවරයාට ලිපියක් යොමු කර තිබේ.

ජ්‍යෙෂ්ඨ පොලිස් අධිකාරීවරුන් තිදෙනෙකුට උසස්වීම් ලබාදී තිබේ.

ප්‍රජාතන්ත්‍රවාදය සඳහා කලාකරුවෝ එළෙඹෙන මහ මැතිවරණයේදී  තවමත් හොල්මන් කරන රාජපක්ෂ බලවේගය පැරදවීම සහ ඉදිරියේදී පත්වන නව රජය මගින් මෙරට දේශපාලනික වශයෙන් හා කලාවේ පක්ෂයෙන් විය යුතු ප්‍රතිසංස්කරණ සිදු කරවා ගැනීමේ අරමුණ සහිතව ඉදිරියට ක්‍රියාකරන බව ප්‍රකාශ කරයි.

දෙමළ ජාතික සන්ධානයේ නායක ආර්.සම්බන්ධන් මහතා දෙමළ ජනතාවගේ ප්‍රශ්න වලට සැබෑ විසඳුමක් හිටපු ජනපතිනී චන්ද්‍රිකා බණ්ඩාරනායක කුමාරතුංග ජනපතිනියගේ ප්‍රධානත්වයෙන් යුතු විශේෂ ජනාධිපති කොමිසම මගින් ලබා දෙනු ඇති බවට විශ්වාසයක් ඇතැයි සඳහන් කර තිබේ.

දෙමළ ජාතික සන්ධාන පාර්ලිමේන්තු මන්ත්‍රී නඩරාජා රවිරාජ් මහතාගේ ඝාතනය සම්බන්ධයෙන් සැකපිට පුද්ගලයින් තිදෙනෙකු අත් අඩංගුවට ගෙන තිබේ.

වත්කම් බැරකම් සම්බන්ධ චෝදනාවට අල්ලස් කොමිසම විසින් නඩු පවරන ලදුව අද උසාවිය හමුවේ පෙනී සිටි විදේශ අමාත්‍යංශයේ හිටපු අධීක්ෂණ මන්ත්‍රී සජින්ද වාස් ගුණවර්ධන මහතාට ඇප ලබාදී තිබේ.

මුදල් අමාත්‍යාංශයේ හිටපු ලේකම් ආචාර්ය පී.බී ජයසුන්දර මහතාගෙන් මූල්‍ය අපරාධ විමර්ශන ඒකකය මේ වන විට ප‍්‍රශ්න කරමින් සිටී.