රාජපක්‍ෂ රෙජිමයේ අලුත්ම ව්‍යාපාරය කුඩු විකිණීම බව ඊයේ (26) මාතලේ නගරයේ පැවති එජාප ඡන්දපොළ නියෝජිතයින් දැනුවත් කිරීමේ 'ජනජය' වැඩසටහනකට එක්වෙමින් විපක්ෂ නායක රනිල් වික්‍රමසිංහ මහතා පැවසිය.
අම්පාර නගරාධිපතිවරයා විසින් තම පුතාට මෝඩ දොස්තර කියා බැන්නේ යයි නියෝජ්‍ය අමාත්‍ය සරත් වීරසේකර මහතා පවසයි. පසුගියදා පැවති බැති ගී ප‍්‍රසංගයක් අතරතුර සිදු වූ මෙම වචන හුවමාරුව ඒ මහතා මෙසේ විස්තර කරයි.
තැපැල් දෙපාර්තමේන්තුවට රුපියල් මිලියන හතළිහකට අධික මුදලක්‌ වැය කරමින් වෑන් රථ අටක්‌ මිලදී ගෙන ආරම්භ කළ දේශීය අධිවේගී තැපෑල වසරක්‌ තුළදී රුපියල් මිලියන හයක පාඩුවක්‌ ලබා ඇතැයි තැපැල් වෘත්තීය සමිති නායකයන් පවසති.
බොදු බල සේනා සංවිධානයේ ප්‍රධාන ලේකම් ගලගොඩඅත්තේ ඥානසාර හිමියන්ගේ සහ අමාත්‍ය පාඨලී චම්පික රණවක මහතාගේ ෆේස්බුක් ගිණුම් අවලංගු කරන ලෙස ඉල්ලමින් ඇමෙරිකාවේ ෆේස්බුක් සමාගමට පැය 24ක් තුළ ලක්ෂ 12කට ආසන්න පැමිණිලි සංඛ්‍යාවක් ලැබි ඇතැයි වාර්තා වේ.
ඕමානයේ තානාපතිවරයා වන අශෝක ගිරිහාගම මහතාට කොළඹට වාර්ථා කරන ලෙස හදිසි කැඳවීමක් කර ඇති බව වාර්ථා වෙයි.
මේ රටට අගමැති ධුරයක් අවශ්‍ය නැති බවත් වත්මන් අගමැති ධුරය අහෝසි කළ යුතු බව තම පෞද්ගලික අදහස බවත් මේ රට ස්වාධීන සංවර්ධිත රාජ්‍යයක් ලෙස ගොඩනැඟීමට නම් විධායක ජනාධිපති ධුරය තව දුරටත් රටට අත්‍යවශ්‍ය බව අගමැති ආචාර්ය දි. මු. ජයරත්න මහතා අවධාරණය කරයි.
ශ්රී ලංකාවේ ජනගහණයටත් වඩා වැඩි ප‍්‍රමාණයක් දැන් දුරකථන භාවිත කෙරෙන බව මුදල් නියෝජ්‍ය අමාත්‍ය ආචාර්ය සරත් අමුණුගම මහතා පවසයි. සන්නිවේදනය එලෙස දියුණු වීමෙන් යහපත් ප‍්‍රතිඵල මෙන්ම ඇතැම් අයහපත් ප‍්‍රතිඵල ද තිබෙන බව ද අමාත්‍යවරයා කියා සිටියි.
ඉදිරි ජනාධිපතිවරණය හා අනෙකුත් මැතිවරණ ඉලක්ක කර ගනිමින් රාජ්‍ය මාධ්‍ය සහ පුද්ගලික මාධ්‍ය දේශපාලන වැඩසටහන් රජයේ අරමුණු ඉෂ්ඨ වෙන පරිදි මෙහෙයවා ගැනීමට ඩලස් අලහප්පෙරුම අමාත්‍යවරයාගේ හා ජනමාධ්‍ය අමාත්‍යාංශ ලේකම් චරිත හේරත්ගේ ප‍්‍රධානත්වයෙන් කමිටුවක් පත් කර ඇති බව වාර්තාවේ.
