ගෝල්ඩන් කී තැන්පත්කරුවන්ගේ මුදල් දින සීයය නිමවීමට පෙර ලබාදීමට හැකිවනු ඇතැයි මුදල් ඇමැති රවී කරුණානායක මහතා අවධාරණය කළේය.
හිටපු අමාත්‍ය විමල් වීරවංශ මහතාගේ බිරිඳ වන ශෂී වීරවංශ මහත්මිය එළැඹෙන 25දා දක්වා රිමාන්ඩ් බාරයට පත්කිරීම කඩුවෙල මහේස්ත්‍රාත් අධිකරණය ඊයේ (23දා) නියෝග කළේය.
විශාල හානියක් සිදුකරමින් දැනට ඉදිකරමින් යන වරාය නගරය විනාශය සිදු වූ පසු නවතා දමනවාට වඩා එය දැන්මම නවතා දැමීම ඉතා යෝග්‍ය කරුණක් බවත්, තවමත් සිදුවන්නේ එය දිනෙන් දින කල්යාම හා ව්‍යාපාතිය නිසා සමුද්‍ර විනාශය දිනෙන් දින ඉහල යාම බව පරිසර වේදීන් පවසයි.
මානව හිමිකම් සම්බන්ධයෙන් දුන් පොරොන්දු ඉටු කරන්න - කැෆේ
මානව හිමිකම් සම්බන්ධයෙන් ආණ්ඩුව ලබාදුන් පොරොන්දු ඉටුවී නැති බවත් එම පොරොන්දු වහාම ඉටු කළ යුතු බවත් සංවිධානයේ විධායක අධ්‍යක්ෂ රජිත් කීර්ති තෙන්නකොන් පැවසීය.
මහින්ද රාජපක්ෂ තමන්ට එරෙහිව තිබෙන චෝදනාවලට පිළිතුරු සැපයීම වෙනුවට ජාතිවාදය පතුරුවමින් සිටින බවත් අපි එවාට ඉඩ දෙන්නේ නැති බවත් අග්‍රාමාත්‍ය රනිල් වික්‍රමසිංහ මහතා පවසයි. 'එන්නේ ජාතිවාදයෙන් නම් අපි ළඟ ඒකට පිළිතුරු තිබෙනවා. සිංහල පුවත්පත් කිහිපයක් නැවත රට තුළ ජාතිවාදය වපුරමින් සිටිනවා' යැයිද ජාතිවාදය වපුරන එම පුවත්පත්වලට එරෙහිව කොළඹදී මහා රැලියක් පවත්වා ජනතාව සමග පාරට බසින බවත් අග්‍රාමාත්‍ය රනිල් වික්‍රමසිංහ මහතා පවසයි.
යාපනය විශ්ව විද්‍යාලය තුල නැවතත් ‘පොංගු තමිල්’ සඳහා වන ආරම්භක වැඩසටහනක් ලෙස යාපනය විශ්ව විද්‍යාල ප්‍රජාවේ සංවිධායකත්වයෙන් 2015.02.24 දින පැවැත්වෙන විරෝධතාවයට සියළු දෙනා පෙළගැසෙන මෙන් යාපනය විශ්ව විද්‍යාලයේ ශිෂ්‍ය සංගමය ඉල්ලීමක් කර ඇත. මේ සම්බන්ධයෙන් එම සංගමය නිකුත් කල නිවේදනය.
ප‍්‍රාදේශීය වශයෙන් සිදුවන ප‍්‍රවෘත්තිමය සිදුවීම් කඩිනම්ව හා නිවැරදිව විද්‍යුත් හා මුද්‍රිත මාධ්‍ය ඔස්සේ ලබා දෙන දිවයින පුරා විසිර සිටින ප‍්‍රාදේශීය මාධ්‍යවේදීන්ට තම වෘත්තිය අභිමානයෙන් හා අපක්ෂපාතීව ඉටු කිරීමට හැකි පසුබිම ගොඩනැගීමට තමා කැපවී කටයුතු කරන බව ජනමාධ්‍ය හා පාර්ලිමේන්තු කටයුතු අමාත්‍ය ගයන්ත කරුණාතිලක මහතා අවධාරණය කළේය. ඇමතිවරයා එසේ ප‍්‍රකාශ කලේ අද (23)පෙරවරුවේ අමාත්‍ය කාර්යාලයේදී දිස්ත‍්‍රික්ක 25 ක ප‍්‍රාදේශීය මාධ්‍යවේදී නියෝජිතවරු හා රාජ්‍ය මාධ්‍ය ආයතන ප‍්‍රධානීන් සමග පැවති සාකච්ඡාවේදීය.
අැමරිකාවේ හිත ගන්න කොන්ත්‍රාත් දුන් සමාගමකට රාජපක්ෂලා ඩොලර් 180,000ක පොල්ලක් තියලා
පසුගිය වකවානුවෙහි අැමරිකාවේ හිටපු ශ්‍රී ලංකා තානාපති ජාලිය වික්‍රමසූරිය මහතා විසින් ශ්‍රී ලංකාව හා අමරිකාව අතර හොඳ හිත සකසන්න යැයි කියමින් අමරිකානු සමාගමක් වන ලෙවික් ස්ට්‍රැටජික් කොමියුනිකේෂන් සමාගම සමඟ ඇතිකර ගත් ගිවිසුම් ප්‍රකාරව මාස තුනක කාලයක් සඳහා ගෙවිය යුතු අමරිකානු ඩොලර් 180,000 ක් මුදලක් ගෙවීම පැහැර හැර ඇතැයි වාර්තාවේ.
