ආරක්ෂක මාණ්ඩලික නිළධාරී රවී විජේගුණවර්ධනට චෝදනා වලින් පැන යාමට ඉඩ නොදි ඔහුව කෙසේ හෝ අදාල චෝදනාව සම්බන්ධයෙන් අධිකරණය හමුවට පැමිණවීම සඳහා රහස් පොලිසිය කටයුතු කරමින් සිටින බව පොලිස් ආරංචි මාර්ග සඳහන් කරයි. අපරාධ විධිවිධාන සංග්‍රහයේ 109 වන වගන්තිය යටතේ ඔහුව අත් අඩංගුවට ගැනීමේ හැකියාවක් ඇති බවද පැවසේ.

රාජපක්ෂලාගේ මීනීමරු අපරාධ ගැන පරීක්ෂණ පවත්වමින් සිටි රහස් පොලීසියේ පොලිස් පරීක්ෂක නිශාන්ත සිල්වාව එම රාජකාරී වලින් හා රහස් පොලීසියෙන් ඉවත් කිරීමට තමාට දැනුම් දුන්නේ ජනාධිපතිවරයා බවට පොලිස්පති පූජිත් ජයසුන්දර විසින් ආරක්ෂක ලේකම් වරයාට කළ ලිඛිත දැනුම් දීම සම්බන්ධයෙන් අද සිරිසේනගේ ගිරා පෝතකයන් පිලිතුරු ලබා දීම සිදු කර තිබෙනවා

සිරා මරා දීගයට කණ කොකා හැඬීම දැන් වෙන්න පටන් ගෙන තිබේ. රාජපක්ෂවරු කොල්ල කා ගත් බලය යොදාගෙන මේ වන විට රාජ්‍ය ආයතන සඳහා ප්‍රධානින් ගනනාවක් පත් කිරීමට කටයුතු යොදමින් තිබේ. එහෙත් මේ සියලු පත් වීම් ජනාධිපතිවරා ඒ සැනින් වෙනස් කරගෙන යනු ලැබෙනු දකින්නට ලැබේ.

පොලිස් පරික්ෂක නිශාන්ත සිල්වා මහතා පසුගියදා අපරාධ පරික්ෂණ දෙපාර්මේන්තුවෙන් ඉවත් කිරීම සම්බන්ධයෙන් ඇත්ත හේතුව හෙළිකරම්න් පොලිස්පති පූජිත් ජයසුන්දර මහතා ආරක්ෂක අමාත්‍යංශ ලේකම්වරයාට ලිපියක් යොමු කර තිබෙනවා.

සිරා මරා බලු පූට්‍ටු කුමන්ත්‍රණය නීත්‍යනුකූල බවට පක්ෂග්‍රාහී ලෙස ප්‍රකාශ නිකුත් කරමින් සිටින, ශ්‍රී ලංකා නීතිඥ සංගමයේ සභාපති යූ ආර් ද සිල්වා එම ධුරයට නොගැලපෙන බැවින් ඔහුව ඉවත් කළ යුතු බවට නිතිඥ සංගමයේ සාමාජිකයන් විසින් එම සංගමයේ විධායක සභාවට පැමිණිල්ලක් ගොනු කර තිබේ.

හොර අගමැති මහින්දගේ වැය ශීර්ෂ කපා හැරීම වෙනුවෙන් කර තිබෙන යෝජනාව පාර්ලිමේන්තුවට ඉදිරිපත් වූ විට බහුතරයක් ඇත්නම් ඊට විරුද්ධව එය පරාජය කරන ලෙසත්, එසේ නොකොට පාර්ලිමේන්තුව කඩා කප්පල් කිරීමට කටයුතු කරන්නේ නම් එයින් පෙනී යන්නේ රාජපක්ෂවාදීන්ට බහුතරයක් නොමැති බවත් එක්සත් ජාතික පෙරමුණේ නායක රනිල් වික්‍රමසිංහ මහතා (21) දින පැවසීය.