යුද්ධය නැති රට යහපාලනයෙන් දෙකඩ වන හැටි නමින් හිටපු ඇමති විමල් වීරවංශ විසින් ලියන ලද පොත එළිදැක්වීම ඊයේ (02) විහාරමහා දේවී එළිමහන් රංග පීඨයේදී උත්සවාකාරයෙන් සිදුකෙරිණි. ඔහුට අයත් ලංකා සී නිව්ස් වෙබ් අඩවිය මේ පිළිබදව පූර්ව ප්‍රචාරක ප්‍රවෘත්තියක් පළ කරමින් කියා තිබුණේ "කරදර බාධක දසදහසක් මැද විමල් පොතක් ලියා එළිදක්වන" බවය.
හිටපු පාර්ලිමේන්තු මන්ත්‍රී ලක්ෂ්මන් වසන්ත පෙරේරා අත්අඩංගුවට ගෙන තිබේ.
කොළඹ - මහනුවර මධ්‍යම අධිවේගී මාර්ගයට මුල්ගල තැබීම අද
කොළොම්පුර සිට ඓතිහාසික සෙංකඩගල රාජධානියට පැයකින් ළඟාවිය හැකිසේ තැනෙන “කොළඹ - මහනුවර මධ්‍යම අධිවේගී මාර්ගයට” මුල්ගල තැබීම අද (03) උදේ 9.30ට ජනාධිපති මෛත්‍රීපාල සිරිසේන සහ අග්‍රාමාත්‍ය රනිල් වික්‍රමසිංහ මහත්වරුන්ගේ ප්‍රධානත්වයෙන් කඩවත දී සිදුකැරේ. කඩවත සිට මීරිගම දක්වා කිලෝමීටර් 37ක කොටස ඉදිකිරීමට අද මුල්ගල තැබේ.
ප්‍රේමකීර්තිගේ නම විකුණන්න එපා ! - නිර්මලා ද අල්විස්
හෝමාගම කටුවන ප්‍රදේශයේ මාර්ග දෙකක් සිය සැමියා වන මියගිය කලාකරු ප්‍රේමකීර්ති ද අල්විස් මහතා නමින් නම් කිරීමේ සූදානමක් ඇති බැවින් එය වළක්වා රිට් ආඥාවක් නිකුත් කරන ලෙස ඉල්ලා වන නිර්මලා ද අල්විස් මහත්මිය විසින් අභියාචනාධිකරණයට පෙත්සමක් ගොනු කර තිබේ.
හිටපු රගර් ක‍්‍රීඩක වසීම් තාජුඞීන්ගේ දේහය භූමිදාන කළ දෙහිවල පිහිටි සුසාන භූමියට පොලිස් ආරක්ෂාව යොදවා තිබේ. දෙහිවල කළුබෝවිල පල්ලිය පාරේ අදාළ සුසාන භූමිය පිහිටා ඇති බව පොලිසිය සඳහන් කළේය. 2012 වසරේ මැයි මස නාරාහේන්පිට උද්‍යාන පාරේදී ගිනිගත් මෝටර් රථය තුළ තිබී ඔහුගේ මළ සිරුර හමුවුණි.
ජනවාරි 08 වැනිදායින් පසුව, එතෙක් රට හැර ගොස් සිටි පාතාල කල්ලි නායකයන් 08 දෙනකු යළි මෙරටට ගෙන්වා ගැනීමට වත්මන් යහපාලන ආණ්ඩුව කටයුතු කර ඇති බවත් ‘ග‍්‍රෑන්ඞ්පාස් සිදු වීම’ ඉහත කී පාතාල කල්ලි එකිනෙකා මරා ගන්නා විට සිදු වූ දෙයක් බවත් ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා පවසා ඇත.
පසුගිය ජනපතිවරණ සමයේ එක්සත් ජනතා නිදහස් සන්ධානයේ මැතිවරණ කටයුතු සඳහා රජයේ බස්රථ භාවිතා කිරීම වෙනුවෙන් අය විය යුතු රුපියල් ලක්ෂ 1925ක මුදලක් මෙතක් නොගෙවා පැහැර හැර ඇති හෙයින් එය අය කර ගැනීම සඳහා හිටපු ජනපති මහින්ද රාජපක්ෂ , සන්ධාන මහ ලේකම් සුසිල් ප්‍රේමජයන්ත, ශ්‍රීලනිප මහ ලේකම් අනුර ප්‍රියදර්ශන යාපා, හිටපු ජනපති කාර්ය මණ්ඩල ප්‍රධානීව සිටි ගාමිණී සේදර සෙනරත් හා හිටපු ජනපතිවරයාගේ මැතිවරණ කමිටු සභාපති අමල් සේනාධිලංකාර මහත්වරුන් වග උත්තරකරුවන් කරමින් කොළඹ වාණිජ මහාධිකරණයේ නඩු පවරන බවට ප්‍රවාහන අමාත්‍ය රංජිත් මද්දුමබණ්ඩාර මහතා මොණරාගල මාධ්‍ය සාකච්ඡාවක දී පැවසීය.
එක්සත් ජාතික පක්ෂයේ ජාතික ලැයිස්තු මන්ත්‍රීධුරයක් අපේක්ෂාවෙන් සිටින අතුරලියේ රතන හිමි මැතිවරණයට සතියක් පමණ තිබියදී යළි සන්ධානය හා එක්වීමේ සූදානමක සිටින බව වාර්තාවේ.
