දක්ෂිණ අධිවේගී මාර්ගයේ කඩුවෙල -කඩවත කොටස විවෘත කිරීමේ අවස්ථාවට එය ආරම්භ කළ හිටපු ජනාධිපති මහින්ද රාජපක්ෂ මහතාටද ආරාධනා කරන ලෙස තමන් මහාමාර්ග අමාත්‍යාංශයේ ‍ලේකම්වරයාට නියෝග කරන බව මැතිවරණ කොමසාරිස් මහින්ද දේශප්‍රිය මහතා පැවසීය. ඊට අමතරව එවකට රජයේ මහාමාර්ග විෂය භාරව සිටි ඇමැතිවරයාටද ආරාධනා කරන්නැයි තමා ඉල්ලා සිටින බවද දේශප්‍රිය මහතා කීවේය.

ගෝඨාභය රාජපක්ෂ මහතා ජනාධිපති මෛත්‍රීපාල සිරිසේන මහතා සමඟ දේශපාලන ගනුදෙනුවකට යාම නිස බැසිල් රාජපක්ෂ මහතා මේවන විට සන්ධානයේ මැතිවරණ ව්‍යාපාරය සම්පූර්නයෙන්ම අතහැර දමා තිබේ.

1996 වසරේ ක්‍රිකට් ලෝක කුසලානය දිනා ගත් ශ්‍රී ලංකා කණ්ඩායමේ නායකයා ලෙස හිටපු ජනාධිපති මහින්ද රාජපක්ෂ මහතා කටයුතු කළේ නම් තවමත් ශ්‍රී ලංකා ක්‍රිකට් නායකයා ඔහු බව අර්ජුන රණතුංග මහතා පවසයි.

එළඹන මහ මැතිවරණයේ ඡන්ද විමසීම් ප්‍රතිපලය අනුව කිසිවෙකුට බහුතර ආසන සංඛ්‍යාවක් ලබා ගැනීමට නොහැකි බව මේවන විට ප්‍රත්‍යක්ෂ වී ඇති බැවින් ජනාධිපතිවරයා හා අගමැතිවරයා අපේක්ෂා කළ ආකාරයෙන්ම ජාතික ආණ්ඩුවක් බිහි කිරීම සඳහා මේවන විටත් කටයුතු සූදානම් වෙමින් තිබේ.

සුන්දර යුවතියක් මහින්ද රාජපක්ෂ මහතා ගේ පි‍ටුපසින් ගමන් කරනායුරු දැක්වෙන ඡායාරූප කිහිපයක් පසුගිය දින කිහිපයේදී ෆෙස්බුක් ජාලයේ සැරි සරනු දු‍ටුවෙමු. මේ තරුණිය කවුරුන්ද යන්න සොයා බලනාවිට දැන ගත්තේ අැය අයේශා මධුෂාණී නම් නිරූපන ශිල්පිනියක් බවය.අැය නර්තන කණ්ඩායමක්ද පවත්වාගෙන යනු ලබයි.

මැතිවරණය ප්‍රකාශයට පත් කළ දිනයේ සිට ඊයේ(02) දිනය දක්වා කාලය තුල ප්‍රචණ්ඩ ක්‍රියා 09 ක් වාර්තා වී තිබුණත් ගත වූ පැය 24 ක කාලය තුළ මහ මැතිවරණයට අදාළව ප්‍රචණ්ඩ ක්‍රියා 09 ක් වාර්තා වී ඇති බව මැතිවරණ මහ ලේකම් කාර්යාලය පවසයි.

සෝමරත්න දිසානායක මහතාගේ ඉල්ලා අස්වීමෙන් පුරප්පාඩු වූ රූපවාහිනී සංස්ථාවේ සභාපති ධූරය රවි ජයවර්ධන මහතාට ලබාදීමට තීරණය කර තිබේ.

පෙරටුගාමී සමාජවාදී පක්ෂයේ දේශපාලන මණ්ඩල සභික සහ කළුතර දිස්ත්‍රික් අපේක්ෂක දුමින්ද නාගමුව මහතා කළුතර පැවති ජනහමුවක් අමතමින් ප්‍රකාශ කරනු ලැබුවේ "දැන් මේ දවස් කියන්නේ තැපැල් ඡන්දය ගැන කතා කරන කාලේ, බොහෝ විට ලංකාවේ දේශපාලනයේදී විශාල වශයෙන්ම ඒ සඳහා භාවිතා වෙන පිරිසක් තමයි රජයේ සේවකයෝ, විශේෂයෙන් මොන අධ්‍යාපන සුදුසුකම තිබුණත් අද වන විට රජයේ රස්සා ගන්න නම් දේශපාලඥයන්ගේ පස්සේ යන්න වෙලා තියෙනවා."